发现近几年TVB好钟意玩忘年恋，好似喺《女拳》，《珠光宝气》同《名媛望族》入面嘅主角都分别有一段老夫少妻嘅戏份，而年龄差距最远仲去到32岁添！各位有意谱出一段忘年恋嘅男士，多D睇下TVB嘅师奶剧可能帮到你！
《女拳》黄飞鸿（1947年出生姜大伟饰），莫桂兰（1979年出生刘璇饰）：32岁差距黄飞鸿身为宝芝林掌门，有义气，睇得又打得。
《珠光宝气》贺峰（1942年出生岳华饰），康雅思（1973年出生蔡少芬饰）：31岁差距贺峰身兼天堃国际企业有限公司主席及臻万美域高集团股东之一，系香港首富。
《名媛望族》钟卓万（1949年出生刘松仁饰），康子君（1979年出生杨怡饰）：30岁差距（阴功…以前杨怡扮佢个女，点知过咗几年就已经做咗佢四姨太…）钟卓万系首位华人大律师，亦系万恒行主席，有权有势有知识。
所以话如果位男士系有权，有钱，有势，真系唔怕会无靓女埋身。但系现实世界，边有咁多个黄飞鸿，贺峰同钟卓万呀！其实大家唔使咁酸住，喺呢三套剧集当中只有钟卓万有好结果，另外果两个结咗婚冇耐就死咗，可见老少配其实都唔系咁盏架咋！唔知大家又觉得边Pair最衬，边Pair最核突咁呢？
,
