沪语头字篇续八
1.耍滑头：花言巧语。
例句：一个银讲闲话，做事体还是实在一埃为好，因为阿拉需要额是有实际效应的东西，与对自家有帮助、对大家有帮助的闲话与事体，阿就是正能量的东西，唔仅仅是过过嘴巴瘾，所以阿拉唔需要格拔虚头巴脑、仅是耍滑头、讨巧额闲话，格呒啥意思，格对大家呒半点好处。
2.抓粒头：大把赚钱
例句：只几年功夫，我看到侬时从一无所有，到拥有一家大公司，又买了市中心几百平米额房子，侬本事大额，懂得抓粒头额玄机），我蛮佩服侬额。
3.呆木头，呆若木鸡。
例句：小王，今遭子是我带队、下半天约好一家银家，要去验收伊拉额设备噪声，现在晨光已经差大唔多了，阿拉好出发了，侬准备一下，嗯，哪能呒反应，看小王坐在椅子上，一只手托了下巴，头冲了隑电脑屏幕，唔晓得赖勒想啥末事、又是看啥末事，反正伊额眼睛是定怏怏额，像块呆木头似的，喂，我同时勒勒伊台子上用两根手指重重的敲了两记，小王终于反应过来讲，做啥，我讲，侬了隑想埃啥，小王讲，呒呀，我是昨末子呒睏好（没有睡好），想眯（睡）一些晨光，走嘞，做生活去，切力了，呒睏好，下了班，切了饭，早早上床睏觉去，嗯，格么就差路，开路以马斯。
4.嗑愡（cong)头：迷迷糊糊。
例句：现在额晨光，因为疫情严重，小区大都封闭，大家都唔用上班，赖勒窝里厢 ，眼睛张开就是切喝拉撒睡，要么做核酸检测，要么做抗原检测，噢，还有小区订菜，一共就是格几桩事体，晨光是过得飞快，归结了一句闲话，切了睏，睏了切，切了早中饭，一歇歇，又要切夜饭，切好天就墨墨黑，又要睏觉了，人是整天过得嗑愡头似的,像是切了迷魂汤似的，有劲伐。
5.拉山头：另立一派。
例句：单位里有一个银，蛮有劲额，每天一来单位，一歇歇侬就看唔到伊银了，一趟子因为有事体要寻伊，我是跑了几只楼面才终于寻到伊，是赖勒顶层额库房间，我看到伊一只手举了哑铃赖勒健身，旁边是一堆健身器材，如哑铃、跑步机、双杠什么的，怪不得，于是我传达了领导的意思，伊讲我晓得了，之后我看到伊坐勒隑办公桌前，赖勒切早饭，之后又看唔到银了，一歇歇，我看到伊跑到其他组室跟银家赖勒噶珊瑚，噶了起劲了唔得了，我晓得伊额做派，伊每天额工作是健身、切饭，之后出勤额话，是塌了隑银家后头掏掏浆糊，之后回单位交出检测单及相关数据，之后呒事体了，泡一壶茶或一杯咖啡，日脚好过伐，哈哈，而一到年终考核及选聘组室及科级干部的时候，伊会上蹿下跳，到各个组室去拉山头，去拉帮结派，去鼓动银家去投票选与自家讲得来额一派同事，能因此选聘上相关岗位的干部，伊格种做法实在是唔像样额。
6.二婚头：再婚重娶、再婚再嫁。
例句：侬有过一趟婚姻，再讨老婆结婚，就是二婚头了，而再次结婚后面又离婚，再想讨老婆就是三婚头了，呵呵。
7.刮鼻头：领导批评。
例句：小张，看侬一副垂头丧气额样子，阿是被刮鼻头了得伐，呒呒，罗老师。
8.一哄头：蜂拥而上。
例句：阿拉上海银赞欢喜切海鲜，一旦碰到有某样海货便宜，蛤蜊、淡菜、或者是海蟹，看到额银会一哄头，上去抢光 ，而现在是疫情期间了，就呒选择了，再贵（gui)阿要买，严格额讲是抢，要抢了快，落手慢（下手慢）额话，啥额阿抢唔到了，罪过额。
9.一记头：干脆利落。
例句：碰到比侬高大、壮实额银，侬与之对搏，必须用西洋拳，而且唔能抖抖嚯嚯，唔能犹豫，必须打银于要害处，要么打胸口、要么打下巴、要么打鼻子、要么打眼睛，是一记头，拿银打闷特，唔让银有还手之力，只有格能，侬才能赢，格是敲开（窍门）。
10.倒蓬头：亏本买卖。
例句：啥额生意赞好做，但唔想做倒蓬头，唔到万一，唔要动用肉里分（自己辛苦赚来的钱）做生意，最好做无本生意，包侬赚铜钿，但格需要侬有一定额人脉，而有大人脉会赚大铜钿。
如诗如画的金山湾
上海寻常人家居所
