日出东来还转东
乌鸦不叫竹竿捅
鲜花搂着棉蚕睡
撇下干姜门外听
八月中秋月儿圆
小厨知罪跪桌前
大人不把小人怪
宰相肚里能撑船
花枝粉团既相宜
远离相府成夫妻
两情若是情长时
莫忘圣旨骨酥鱼
历史浪厢交关故事侪有出典，所以能渊远流长。譬如讲宰相搭丞相是一种官衔两种叫法？还是根本就是勿是一个极别格衔头？三公九卿、三部六省、太尉、廷尉、内史、御史、太医、御医…
秦始皇统一六国之后地盘大到三十六个郡，皇帝两个字是赢政发明格，秦皇帝发觉统一疆土只是形式、统一人心才是根本！为了保证皇权、必须要层层官员来落实皇威！于是推出了郡县制及配套三公九卿制。三公：丞相、太尉、御史，丞相最大，百官之首，一人之下，万人之上；太尉是军委第一把手；御史是副丞相，负责内务、巡视监督！九卿：奉常、浪中令、卫御、太仆、廷尉、典客、宗正、治粟、少府！就搿格制度啊，延续了一千多年！
秦始皇辰光，丞相李斯格权力过大，怪啥人呢？侬皇帝自家立下来规矩：各地方政府上报格文书，先要报到丞相府，然后由丞相再报皇帝，最要命就是皇帝下格诏书先要让丞相过过目，呒么问题了，再朝下头发出！过于依赖丞相，自缚手脚，终于酿出事体，秦始皇临死之前明明立格是扶苏为二世，李斯却勾结赵高，假传圣旨，秦二世就变成胡亥了，赵高滥用职权，官逼民反，造成陈胜吴广起义，凡果必有因，因果必相应，秦二世就结束啦！
汉朝设立中书省与尚书省，就是为了分化、限制丞相格权力，于是就推出了宰相一职，尚书省里交关官员是巡视监督丞相格所作所为，防止皇帝被架空，随时掌握丞相格一举一动，理想很丰满，现实太骨感，人之初、性本恶，天下最难摸透人心，所谓人心叵测，因为下一届丞相一定来自于尚书省，有权就有势，有势就有铜钿，嘎大一块蛋糕，想吃格朋友成百上千，千军万马要过独木桥，所以搿批朋友表面浪厢看起来搭丞相是监督、限制，甚至是会对立，实际是蝇营狗苟、沆瀣一气，成了丞相瞒上欺下格帮凶，官官相护，因为讲勿定自家就是下一届丞相啦！
“相”是春秋辰光格官职，因为有“相邦”，大于丞相，吕不韦乱政而拨赢政废除，二把手就是丞相了，李斯、曹操、诸葛亮、萧何、陆逊……，中国历史浪厢最混乱辰光是魏晋南北朝、五胡十六国，整天只晓得争权夺利打仗，官衔就叫乱脱了，无所谓，因为侬今朝是、明朝就勿一定是了；侬刚刚是、等一歇就可能勿是了，所以，交关衔头弄勿清爽了，后遗症一直到今朝，交关电影、电视剧就侪瞎弄了，编导侪是有文化之人啊！其实丞相一定是宰相，而宰相肯定勿是丞相，大家就混混了，呒么人会得去追究！后来又推出来三省：中书省、门下省、尚书省；六部：吏部、户部、兵部、礼部、工部、刑部，每部有四个司，一共24个司，隋朝开始格科举制，分科考试、推举贤人，从院试、乡试、会试、到殿试，从秀才、举人、贡士、进士、探花、榜眼、到状元，哦！状元勿是考出来格，是皇帝御笔点出来格，朱元璋拿中国历史浪厢最后一个丞相——胡惟庸灭脱了！
现在弄出来交关汉字西化新名词，真格是想出来格朋友吃力，讲出来格朋友费力，老百姓听了要伤脑力，混讲丞相搭宰相倒也算了，搿种乱七八糟格汉西词，啥格目的？语不惊人誓不休！？
存地失人、人地皆失；存人失地，人地皆存！多读眼书，多了解历史，会搞清爽类似丞相与《宰相》
