日前首播嘅《追光吧》
大家睇咗未咧？
虽则节目制作上有好多不如人意，
但都有好多宝藏哥哥
带俾大家唔少惊喜噶~
讲到其中最受关注嘅哥哥，
张卫健同吴镇宇两位大湾区代表
绝对拥有姓名！
又到咗暴露年龄嘅时候，
唔知有几多人记得佢哋两个
曾在《伙头智多星》里饰演过兄弟咧？
虽然两人合作机会唔算多，
但睇落私下交情都唔算差啵，
节目里吴镇宇一出场，
张卫健就带住成班弟弟“鞠躬欢迎”
一同框仲即时“揽身揽势”添~
近日两位哥哥都接受咗
媒体线上群访，
频曝金句劲有料！
跟住Color一齐睇睇
佢哋如何追光啦~
张卫健
人间小太阳
其实前辈艺人上得嚟节目，
都预咗打情怀牌噶啦，
但张卫健打出嘅情怀牌，
谁人能拒绝呢？
正如金星点评张卫健时话斋，
张卫健嘅演绎生涯中，
“头上有毛”、“脸上有毛”、“全都没毛”
三个阶段都有无数经典作品。
影视歌范范都有他的身影，
对于好多观众嚟讲，
张卫健堪称“行走的回忆杀”。
不过佢本人就话，
“每一个作品都係我的心血。”
就算係一啲失败嘅作品，
当时的他都是付出了100%。
包括今次参加《追光吧》，
他也是拿出100%的诚意去做。
疫情后，觉得身边朋友都不太开心，
Dicky希望可以
把欢乐、正能量带给大家。
舍弃好多国语热门歌曲，
选择用《身体健康》作初舞台，
亦係佢对当下心情的最佳表达。
想听佢其他国语歌曲嘅朋友仔，
都唔使失望啵，
Dicky话后面係会有噶！
除咗做好舞台表演，
张卫健仲做埋气氛担当，
照顾后辈，搞gag暖场，
凭一己之力
将录制现场变成“茶话会”。
甚至“一本正经”地
向尼坤传授学好中文嘅秘诀，
“社交NB症”又添一名大将。
而讲到点解佢可以一直保持
做咁有活力嘅“人间小太阳”，
张卫健都好大方咁分享：
一係唔好将年龄放在心里；
二係对任何事情要有好心态，
“期待着最好，准备着最坏。”
此外，对“小太阳”嘅呢个称呼，
张卫健表示好有亲切感，
因为这是他给太太张茜的初印象，
已被太太挂在嘴边很多年了。
他仲透露今次录节目，
太太特别开心，
因为可以放假做自己嘢。
（一啖狗粮猝不及防塞埋嚟QAQ）
讲到今次舞台最想突破嘅，
Dicky就话係跳舞，
“想看看我现在这个状态
能跳到什么程度，
然后希望之后可以
参加《这就是街舞5》。”
（咳咳，《街舞》导演快啲望过嚟！）
《追光吧》除舞台之外，
仲有运动会、部队军训等体验，
唔少粉丝就担心大年纪嘅哥哥
体力上会有挑战，
但Dicky反而喊话，
节目组可以对佢再狠啲。
这次录完节目下来
“我还要再补五六十个俯卧撑，
开合跳300多个，
才终于出两滴汗……”
究竟有冇咁犀利，
就一起期待后续节目啦！
篇幅有限~
想知吴镇宇哥哥如何做到
台下“打坐”喜剧人，
台上“冷面”秒回靓坤？
记得留意听日嘅推文啦~
PS:高能彩蛋陆续有嚟，
千祈咪走宝！
你最喜欢张卫健边部作品？
你觉得佢嘅初舞台表现如何？
你最期待佢挑战边种类型舞台？
欢迎留言同我哋分享吖~
资料来源：综艺截图、微博、豆瓣
网络信息综合整理
编辑：陈祉伶
*文中图片版权归原作者所有，
如涉及侵权请联系，立即删除
扫描下方二维码
进入可乐生活小店
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
,
