呢两年
唔单止“大湾区”哥哥备受关注
亦越来越多人关心“湾区故事”。
日前开播的新剧《追梦者联盟》
就係一部讲大湾区青年追梦故事嘅
都市轻喜剧。
睇个海报係未有点眼熟？
喺角色、情节上的设定
同拍咗五季、播咗10年嘅
《爱情公寓》确係有几分相似嘎！
《追梦者联盟》讲述
拆二代"土著"、回流“广漂”等
6位来自五湖四海的“90后”
同住一屋檐下，
相爱相杀，互怼互助的
湾区小青年追梦故事。
主创起用清一色年轻演员，
男一金泽算稍微出名，
在热播中的《才不要和老板谈恋爱》
饰演“未来会变渣”的学长男二
佢同宋祖儿、黄子韬有大量对手戏。
男二刘书源出演过
大热网剧《传闻中的陈芊芊》，
曾饰演男主丁禹兮的“猪队友”
专职负责花式挖坑，
为观众贡献了无数笑点，
俾网友留下“开心果”的印象。
女一李莎旻子担任过
湖南卫视多个节目主持人
都係小有名气嘅，
近年来都在向演员路线发展，
观众缘都几ok。
虽然一班后生演员，
名气一般，作品也唔多，
但在剧集的表现其实都几唔错，
表情自然，台词流利，
真係好过唔少“胶剧”。
主创演技够盏鬼，
唔多唔少弥补咗剧情老土嘅槽点。
不过喺广东观众眼中，
剧中唔少细节、人设
都有少少“水土不服”。
↓ ↓ ↓
好似剧集係以普通话为主，
男二人设係拆二代"土著"
但普通话未免过于标准，
就算係着人字拖嘅包租公，
但如果上班需要衣着得体，
都唔会踢住对拖鞋去返工。
另外，剧中仲有唔少惊喜：
广东好熟悉嘅老友记，
比如“奀妹”客串咗开头嘅小导游；
“西洋蔡”做咗男一嘅老细，
身为“犀飞利置业”店长，
承包全剧最纯正嘅“广普”。
香港笑星詹sir
詹昊宸（原名詹瑞文）
扮演男二嘅老窦，
一出场就必定俾足笑料。
94版《射雕英雄传》中
扮演过欧阳锋的戏骨朱铁和
喺今次剧中扮演女三嘅老窦，
惨被后生仔“隔空”吐槽话：
“最讨厌欧阳锋”
仲有著名喜剧演员梁天
本色出演大明星“天哥”。
足坛名嘴何辉
用粤语为“醉酒足球赛”
贡献咗高能的爆笑讲波片段。
呢啲“老友记”嘅客串生鬼之余
又令广东观众倍感亲切。
呢次可以话係时隔多年，
广东广播电视台再次推出
“新鲜”都市喜剧。
咪睇宜家广东本土影视
剩下零星几部长寿剧“死撑”，
但其实广东係情景喜剧
喺呢个领域真係曾经架势过。
古装版喜剧有过
《乘龙怪婿》、《吉星高照》等
都市时装剧有南方综艺频道嘅
本土主播偶像剧《同居男女》。
短剧有《都市笑口组》，
默剧有《开心吧》，
涉猎形式丰富，
唔少剧集更风靡一时，
係我哋一代广东朋友嘅童年回忆。
虽然话依家
北有一年一季嘅《乡村爱情》，
南有全年无休嘅《外来媳妇本地郎》、
《七十二家房客》、《爱回家》系列等，
但呢几年甚少再有新作品出街，
能够出圈嘅IP就更加少有。
今次推出的《追梦者联盟》，
某程度上真係为“摆烂”多时嘅
情景喜剧注入咗久违嘅新鲜血液！
如果你唔係咁纠结剧情，
不妨可以睇睇
呢部新推的情景喜剧。
资料来源：剧照、微博、豆瓣
网络信息综合整理
编辑：陈祉伶
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
