现年56岁的女星杨玉梅是1990年三料亚姐季军，同时兼得最上镜小姐及完美体态奖，当年得奖后签约亚视发展，并获捧为花旦做主角。杨玉梅看似事业一帆风顺，可是背后却有不少辛酸，这日接受《一起走过》杨绍鸿、宝珮如访问，就大爆首次当女主角时曾被武术指导徐二牛闹“唔明点解可以搵你做女主角，扎个马都唔识！”；再之后同刘松仁拍《碧血青天珍珠旗》时，毫无预兆下加插掌掴动作，拍摄该场戏之后走出录影厂爆哭。
杨玉梅表示入行前任职私家诊所护士，有次任职广告公司的朋友将其照片给客户，她因此被拣中拍摄雪柜广告，后来因缘际遇踏入娱乐圈，参与尚格云顿的西片拍摄，继而拍了不少卡拉OK的MV。至1990年经不起公司不停游说参选亚姐，不单止顺利入围，被传媒被形容为黑马的她，更于准决赛夺得最上镜小姐及完美体态奖，到总决赛就当选为季军，同届冠军是吴绮莉，亚军是施绮莲，三人当选后一同签约亚视。
至于加入亚视后是否一帆风顺？杨玉梅说：“记得选完美乜都未学过就要拍古装做女主角，同汤镇业拍《剑神不败》（又名《傲剑至尊》）。我又未做过戏又未去过训练班，拍古装係好难，我仲要係一个侠女，嗰时真係惨，女仔未学过就要扎马，徐二牛一嘢拍落我大髀话‘你唔好以为自己选完美出嚟就做女主角，我都唔明点解可以搵你做女主角？唔打得，我都唔知点选人，扎个马都唔识！’，我直情好hurt。（有无喊？）有少少眼泪啦，嗰时瞓又无得瞓，又唔食lunch，因为练喺张木凳度耍杂技转碟，因为唔想NG累到人收唔到工，真係好唔开心，因为我真係唔识，但公司畀我唔通唔做？我都要做，我真係未读过训练班，今时今日做戏都係全部靠经验，被人闹、闯祸或者NG，直至到今日咁样。”
提起同不少前辈合作，从中能够汲取经验，杨玉梅又有段不愉快经历再爆：“我喺电视台5年真係辛苦，想再返出去闯吓会唔会好啲呢？因为记得嗰时同刘松仁拍《碧血青天珍珠旗》，可能自己真係好新，有场戏我有4页纸对白，讲我慢慢讲到喊，佢就无乜对白，试完位又无乜嘢，当开始roll机佢真係兜巴啪、打落嚟，我直情呆咗……（
剧本无掌掴戏？）无，佢打完呢巴我真係慢慢我一步步讲对白，由无眼泪到好惨，一步步讲完对白，我收唔到声，然后大家一齐睇playback，睇完自己直衝咗出厂喺度喊，收拾好心情形返入厂，松哥仔就话‘呢巴做得好呢，帮到你做戏喎，掂呀，你做得非常之好’，我话你唔惊我呢巴之后唔记得晒啲对白咩？佢话唔惊，觉得我做到。
到呢一两年再撞到佢，都仲同佢讲番呢件事，佢话梗记得啦。”她紧接再爆刘松仁合作事情，指有场对方要抱起她跑，提议用替身或镜头迁就也不肯，最后双双仆倒地上，“啪一声，佢成个人压住我，搞到我乜都歪晒，呢啲係我好难忘记。”
杨玉梅近年又再回归无綫，早前播完的《异搜店》就饰演吴业坤的妈妈，令不少观众留下深刻印象。 她说： “唔会永远都主角，因为年纪会大，我锺意演唔同角色，唔介意化老妆扮60、70岁，当然要有得发挥，唔係过镜嘅角色。 （第一次演妈妈心情？ ）有啲挣扎，问题係我未结过婚、生过仔，突然间有咁大个仔又好奇怪喎，又未做过人阿妈，但计年龄又生得出，咁就去学点做阿妈，要用咩态度语气。
,
