歌手杨千嬅同老公丁子高向来恩爱，近日千嬅就忙于世界巡回演唱会，而作为佢嘅经理人子高亦陪伴左右。今日子高喺网上上载一张截图，原来近日有好多朋友转发一段新闻畀佢，见图中标题以英文表示「千嬅含泪指与老公婚姻完结」，子高对此表示无奈同好笑，澄清夫妻二人关系和睦，并希望大家要过滤网上信息嘅真确性：「网络世界有好多我哋控制唔到嘅事，而咁啱近排又有好多事件接二连三地发生，呢啲都系我哋控制唔到嘅。而（依）家科技太发达，每个人都可以喺网络上说话，甚至可以将一啲原有嘅讯息被攞走，所以出现咗好多唔同嘅意见及不实嘅报道，希望大家要过滤下（吓）网上信息嘅真确性同埋注意账户加密安全。」
随后，佢再晒出同千嬅头贴头合照，力证二人情不变，而好友李施嬅亦留言：「除非经过当事人证实，如果唔系唔好相信一啲未证实嘅事。」
用实际行动破除谣言！
