寻日係乔欣29岁生日，
寿星女本人一连发咗
好几条动态为自己庆生，
又陆续喺超话同粉丝
分享自己嘅生日大餐同礼物……
真係够嗮有仪式感！
而好姐妹杨紫也准时蒲头
为乔欣送上生日祝福。
唔数都唔知，
原来今次已经係杨紫
自2016年以来
连续第七年为乔欣庆生啦~
同为90后小花嘅杨紫、乔欣
因合作《欢乐颂》而相识，
之后两人将“关关"同“邱莹莹”嘅
神仙友谊延续到现实，
更曾多次公开表示
彼此係自己最好嘅朋友添。
不过早年嘅佢哋
其实也曾被网友质疑过
係捆绑营业嘅“塑料姐妹”。
毕竟喺娱乐圈中，
“塑料姐妹”例子不在少数，
有过好多对因戏结缘嘅好闺蜜
最后莫名其妙就散咗band。
“友谊的小船”话反艇就反艇
再同台时甚至都疏远到
扮视而不见、全程零交流。
好似合作咗两辑《欢乐颂》嘅
“22楼五美”早几年
也好经常合体营业，
好似friend过夹band咁。
不过呢几年逐渐各有各行，
好难再凑得齐人。
值得一提嘅就係，
当年爆红嘅《欢乐颂》中，
同样将戏内闺蜜情奔现嘅
刘涛同蒋欣。
两人早年就曾在
《天龙八部》《芈月传》等
剧集中有过交集，
直到合作咗《欢乐颂》，
感情就极速升温。
当年嘅刘涛同蒋欣
一度friend到糖黐豆，
线上线下经常甜蜜互动，
甚至多次亲密到互锡，
两人嘅“掏心组合”
在CP超话中亦係人气颇高。
可惜到咗2018年前后，
两人就被传出姐妹情崩塌，
出席活动时刻意保持距离，
昔日闺蜜从此形同路人，
后来蒋欣甚至微博取关咗刘涛，
疑似侧面承认闹掰传闻。
据闻，佢哋嘅“决裂”
也係后来《欢乐颂3》
全员换血嘅重要原因之一。
反而係杨紫同乔欣呢对，
从圈内新人到人气小花，
一直friend足咁多年。
生日互送祝福
呢啲仪式感自然要有，
好友剧宣更係要卖力打call！
去年乔欣嘅生日
啱好撞正杨紫新剧开播，
杨紫干脆“霸总式发言”
将自己新剧当成庆生礼物，
可能已经“友尽”了吧，哈哈~
私底下，
乔欣仲去探班杨紫剧组，
仲喊话剧中演男主嘅李现
喺戏中要对姐妹好啲。
后来到乔欣同胡一天合作新剧时，
杨紫仲同男主角“争风呷醋”，
坚决维护自己嘅“闺蜜地位”。
两人仲合体上过唔少综艺，
凡係同框也必定揽身揽势。
难怪有网友会话，
佢哋嘅闺蜜情比爱情仲甜！
你觉得娱乐圈会有真闺蜜吗？
圈内仲有边啲好甜嘅“神仙友谊”？
欢迎留言同大家分享下吖~
资料来源：剧照、微博、豆瓣
网络信息综合整理
编辑：陈祉伶
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
