最近嘅快乐
应该係一部部新剧俾嘅
由林峯、周秀娜、黄浩然等人
主演嘅《黑金风暴》
定档3月10号上线
又一波热血警匪开打
大家嘅港风DNA又骚动了
查实呢部电视剧
喺旧年3月底就开机
期间都有探班路透等等流出
但杀青之后宣传物料就冇乜更新
所以大家都有啲遗忘佢嘅存在
网友影到的路透图~
从预告片就可以睇出
呢个时候嘅峯少“峯”采依旧
面尖、身fit、表情chok
全然冇《星辰大海》时嘅臃肿油腻
睇嚟佢係俾咗心机去重塑形象
佢喺里面饰演
重案组高级督察“韦景声”
枪战、械斗、爆破等等刺激镜头
加上一句“我嘅职责就係破案！”
完美诠释呢个角色嘅精彩
有网友发现“韦景声”
呢个名咁啱就係
《雷霆扫毒》“韦世乐”
《谈情说案》“景博”
《机动部队》“高家声”
三个名嘅升级合集
Happy sir
不修边幅、嬉皮笑脸
但聪明机智又独断独行
Professor King
靓仔绅士强逻辑
係个有实力嘅“偶像派”
PTU嘅高家声
虽然係踩界卧底但初心不变
最终都係做大事嘅好伙计
如果“韦景声”集合晒
三个角色嘅优点长处
就完美成就“高质量”男性啦
除咗高质量嘅峯少之外
之前喺《家族荣耀》入面
又苏又渣嘅“二哥”黄浩然
嚟到《黑金》就会化身ICAC
警恶惩奸、为民除害
而近年晋身“打女”行列嘅周秀娜
今次反而变成好文静嘅律师“文静”
同wuli峯少好似会有感情线
佢仲提前暗示会吵架吵不停
真係越谂越觉得精彩
除咗佢哋之外
仲有梁竞徽、熊黛林、李灿森等
港剧标配人物加盟
斋个阵容已经够晒有睇头
临近开播所有主创都跟队形
发布倒数版海报造势
但大男主林峯
却阴差阳错用咗黄浩然张相
被对方回撩“係米心急想见我”
暗示两人剧中关系非同小可
被撩完嘅峯少
仲好似小学鸡咁“记仇”
转手将黄浩然P成痛苦面具
补个“哼”字扮嬲
反而有啲啲可爱添
一般内地上线嘅电视剧
都好中意打自己係“TVB亲戚”嘅关系
鼓吹下自己“港味浓”啊、
“有无线feel”之类嘅话题
嚟吸引观众
但呢部正宗“港产”血统嘅剧
反而冇用上呢层关系
而係用海报玩咗下“无厘头”嘅互动
大家都知
如今港式警匪片遍地开花
唔知《黑金风暴》係自信自己嘅实力
定係真心搵唔到话题宣传而硬sell了
仲有两日《黑金风暴》就开打
不如大家都係霸定头位
！等 ！“峯”！来！吧！
MORE
今日娱乐看点
大S具俊晔结婚
3月8日，韩国歌手具俊晔
发文宣布与前女友大S结婚，
随后大S也发文官宣：
“人生无常，我珍惜当下的幸福。
感谢一切让我一步一步
走到现在的所有。”
时隔20年的“嫁给初恋”
令大家都好奇佢哋经历了什么
剧版《隐娘》开机
戚其义导演嘅《隐娘》
今日正式开机！
网传的秦岚、郑业成、胡连馨、
杨谨华、黄智雯，谭俊彦等阵容
也得到正式官宣，
此外罗嘉良、翁虹也惊喜加盟。
袁咏仪再现《新不了情》经典
喺节目《朋友请听好》中，
袁咏仪为电影《新不了情》配音
再现经典场景，
那个单纯可爱的阿敏
似乎穿越了二十九年的时光，
再次来到了大家面前！
资料来源：微博、豆瓣
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
