都话可乐直播间
几时都咁星光熠熠噶啦
前几日
Color个good friend胡鸿钧
终于嚟咗玩啦
鸿钧仔坐低冇几耐就大呻
翻到香港超唔惯
因为出门要带银包
喺广州嘅时候可以手机行天下
真係方便好多
最近佢到处去
为剧集主题曲宣传
又去到多地登台演唱
营业得好积极啊
问及年初嘅时候
凭《爱上我的衰神》入围
“最佳男主角”嘅事
佢就好谦虚咁话
唔同坤哥PK“视帝”啦
自己要继续学习、提升下演技
暂时仲係将工作重心
放喺音乐上嘅鸿钧
3月18日就会喺珠海
继续自己嘅巡回音乐会
仲记得每一次开show
佢都会俾歌迷起哄
要佢除衫show下腹肌
今次佢借Color嘅镜头
就话其实每次演出
都应该有惊喜嘅演绎
咁大家係咪特别期待今次嘅惊喜咧
2022年佢花咗好多时间
同内地嘅歌迷朋友建立感情
佢觉得自己收获满满
2023年佢定咗一个目标
就係希望大家
唔好再喺佢个show度
叫佢除衫哦
咁係咪会主动除嘅意思
进入自己嘅生日月
鸿钧都提前许下生日愿望
希望自己年龄大一岁
但心智继续唔成熟哦
当然最紧要嘅係
身边嘅朋友都健康&开心
同可乐君倾完官方嘅计
循例要玩翻个小游戏
鉴于上次同歌手抢答估歌仔
可乐君赢面唔大嘅经验教训
今次我哋就决定玩
“揿钟仔文字游戏”
鸿钧开波前仲特意练咗字添……
一年要写365日稿嘅可乐君
对文字嘅熟悉程度
已经好似某人
对“除衫”嘅敏感度咁高
Color谂住
今次唔使出猫都有得赢啦
点知原来鸿钧实行
“唔理识唔识，揿咗先”
以及加埋辉哥
“双猛男抢钟”嚟加码
抢占咗唔少先机
欢乐又唔公平嘅激战之后
今次嘅赛果又如何咧
记得继续关注我哋了啵
最后
提醒大家多一次
3月18日珠海珠海对白SPACE
“THE DAY 到此·开始”巡迴音乐会
鸿钧话咗会有惊喜噶
月底就係鸿钧仔生日啦
大家可以留言对佢嘅生日祝福
可乐君会帮大家转达噶
MORE
今日娱乐看点
连诗雅晒婚纱照
早前有网友遇到
连诗雅在海外拍摄婚纱照
今日佢晒出靓照
并宣布自己婚礼喺4月24日
网友都纷纷送上祝福啦
谢霆锋躺平滑雪
谢霆锋多才多艺大家都知道
最近佢晒出滑雪视频
“躺平式”滑雪姿势令人惊讶
冇翻咁上下腰腹核心力量
都玩唔起呢个姿势吧
张弛豪新歌上线
《隐形战队》主题曲《隐形火》
原来係张驰豪演唱噶
电视剧今晚就正式上线了哦
大家会唔会追咧
部分图片：秦丽莹、陈祉伶
部分资料来源：微博、豆瓣
网络信息综合整理
编辑：郭玮
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
