开始进入开工季了啵
唔少公司也中意
趁呢个时候开下总结会
表彰下过去嘅成就
更好咁展望未来嘅
由古天乐主持大局嘅“天下一”
最近都举行春茗哦
旗下艺人&工作人员
都盛装打扮出席
隆重其事嘅程度
堪比大型颁奖典礼啊
从大合照里睇
同古仔友人之上、恋人未满嘅宣萱
已经可以成个“主人家”咁
傍实喺C位大佬旁边啦
而有幸能够
拍埋古仔另一边手臂嘅
竟然係张继聪啵
其实近两年
张继聪嘅电影成绩
确实几喜人嘅
早前同黄子华合作
《还是觉得你最好》
喺大湾区叫好叫座
收获咗超好口碑&靓仔票房
张继聪更凭此入围咗
今届金像奖嘅“最佳男配角”提名
除此之外
其实佢自己都已经
因为《窄路微尘》杀入最佳男主啦
同以前净係会喺啲电视剧里面
演下爆肌抹油嘅奇怪“软饭王”相比
地位真係今非昔比噶啦
喺当晚嘅春茗舞台上
张继聪亦係风骚到痹
穿皮衣劲歌热舞
引发台下阵阵尖叫
继聪自己嘅努力
都有目共睹睇得出古仔都有心俾位佢上
今次合影
企张继聪隔离嘅
咁啱就係周秀娜
之前二人在《马达·莲娜》搭档过
当晚嘅娜姐就显得低调好多
近几年佢收起“胸器”
走实力派嘅路线
获得唔少观众认可
路人缘越来越好嘎
电影作品相对少咗
但《马达》又的确
俾到大家惊喜嘅
饰演赴澳“倔强打工女”嘅娜姐
喺电影中嘅妆容朴素
衣着普通、收敛身材
搭档邋遢颓废嘅
“的士佬”张继聪
成个氛围都好啱key
佢哋喺底层挣扎
为生计奔命
身上有好多打工人嘅
无奈与影子
而佢哋之间浓烈单纯嘅爱情
又令到成部电影变得有啲浪漫
虽然结局有啲开放性
但观众睇完之后都会思考好多
娜姐凭借饰演“莲娜”嘅精湛演技
差啲就做咗“影后”
而呢部电影最后更成为
华鼎奖澳门最佳影片
//////////
《马达·莲娜》係疫情期间
古天乐为振兴香港电影业
积极推出嘅电影计划中
其中一部作品
虽然有唔少网友觉得
呢部电影就係一个
“姣婆遇上脂粉客”嘅老套故事
但亦有人将佢
当作一部励志文艺片嚟欣赏
为生活打拼嘅打工人
相互取暖忘记过往伤痛
最终共同走向幸福未来
都未尝唔係一个
积极鼓舞人心嘅故事啊
如果有机会
大家不妨摞《马达·莲娜》出嚟
感受一下
睇下会唔会有
其他唔一样嘅理解
MORE
今日娱乐看点
张子枫&胡先煦演夫妻
电影《穿过月亮的旅行》
由张子枫、胡先煦领衔主演
佢改编自小说《踏着月光的行板》
讲新婚燕尔的夫妻不断双向奔赴
又不断擦身而行的故事
听讲仲会有黄小蕾、赵小棠、
李嘉琦等人惊喜出镜添
吴业坤公开晒恩爱
Color个friend吴业坤
婚后一直将太太保护得好好
今日佢推出新歌《百二岁》
呢首歌嘅MV特意安排咗太太做女主角
将sweet送俾太太之余
都祝大家情人节快乐哦
胡鸿钧追唔到蔡思贝
《廉政狙击》举行宣传活动
有份唱主题曲嘅鸿钧仔
与剧中女主蔡思贝都有出席
但两人就婉拒咗合影
问及最近思贝参加马拉松嘅新闻
鸿钧话自己追佢唔到哦……
因为佢跑得太快
资料来源：剧照、微博、豆瓣
网络信息综合整理
编辑：郭玮
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
