今日讲一讲下方图中箇农具，箇件农具化州人应该都好熟悉嗲，化州话叫做“bong头”。讲嗲好耐“bong头”，但系一直都无知“bong”到底点写，感觉箇只字好神秘。
在我好细箇时候就有嗲箇只疑惑，我谂睇到箇篇文章箇朋友曾经都有过同样疑惑，甚至也去寻找答案甚至觉得“邦、帮、镑”都有可能系，但字义又无相附，久寻無果渐弃之，但偶尔攞“bong头”做工箇时候，时不时亦会思索一番到底有无有“bong”字呢？
相信大家都困惑嗲十几二十年，不过我最近已经揾到答案嗲。我在前一段时间发现传统农具都捞“耒”字有点关系，然后我就去查嗲与“耒”字有关箇字，通过查找发现“耪”箇只字，按照有边读边感觉好有可能就系其。然后详细查嗲箇只字，发现箇只字在好多方言里面都解作锄头，所以可以确定日常讲箇“bong头”就系箇只“耪”字嗲。
在化州话中“耪”与“帮”同音，困惑嗲十几二十年终于揾到答案嗲，字无恶写，就系平时太少见嗲，感觉化州话历史太久远嗲，久远到化州人都无记得嗲。
平时经常讲结果无识得写，而有伲字经常写但完全谂无到系多音字，例如“振草”只“振”字，系无系想读“趁草”但系又有少少怀疑呢？怀疑系无系又有少少惊喜呢？我读得书少，你毋呃我㖞！“振”字明明系读“震”，何解可以读“趁”，有无有依据吖！
首先捞大家讲一下“振”字箇字义先，提手旁表明系与手有关箇动作，而“辰”字呢最早出现于甲骨文，本义指箇系蛤蜊制箇农具，即系用贝壳制成箇用于除草箇农具，由此可见化州话“振草”一词系保留嗲“振”字箇本义，可见化州话之古老，古老到可能化州人都无信。
至于读音将“振”读作“趁”，我系在《化州粤语概说》睇到箇（里面内容非常有参考价值），而且对“振草”一词有比较详细箇解释。
作者：橘州韵律
文未链接为视频讲解，有兴趣的可以点击观看
,
