《2023香港小姐竞选》上周举行首轮面试，一众有如漆黑中嘅萤火虫嘅靓女已获网友热烈讨论，估唔到今日（16日）港姐覆试，仍有“漏网之鱼”索爆佳丽悉数登场！
港姐2023︱漏网之鱼出动 1米76硕士生撼纹身妹猪
今日于电视城见到有唔少美女陆续登场，当中24岁OL、嚟自广东嘅郑泳君（Gwen）第一轮面试冇嚟，係因为家人要做手术，不过见佢以一袭斯文绿色碎花裙现身，但左手上大片彩色纹身非常抢眼，佢指纹身係自己设计，代表家人、自己及宠物，问及是否担心纹身影响入围？Gwen乐天回应：“尽量，佢哋唔锺意都冇法。”
纹身靓女郑泳君首次见人。
但一啲都唔担心纹身影响入围。
身高拥1米76、现为香港理工硕士生嘅陈旑（Floina），今年22岁，佢同样係今日先第一次面试，由同学提名，去年八月先嚟香港读书，依家已有香港身份证，问广东话唔正会否蚀底？佢即表示：“冇关係嘅，我好勤力。”态度积极。
而26岁钢琴老师Cindy，则寻日（15日）由温哥华返港，妈咪係提名人，佢亦喺香港长大，问到有冇信心？佢即答有，准备跳舞同弹琴。
陈旑拥1米76身高，旧年先嚟香港读书。
不过广东话麻麻。
钢琴老师Cindy由温哥华返港。
韩味极浓嘅黎佩琳（Nichole）被问及年纪时，佢就笑称自己係搭尾班车，亦係记者，同时都有教班，今次就被演艺学院老师提名。
“韩妹”Nichole狂派心心。
23岁姜伊宁係教大毕业。
港姐2023，惊现砵仔糕，佳丽怕饿带外卖袋面试
今日（16日）于将军澳电视城进行2023年港姐第二次面试，虽然已Foul走多位惊人佳丽，但仍有唔少另类美人见大家。同样再次见人嘅三娇丝绒裙Doris、Darling及Cecilia黐到实充现身，Doris就话因为自己喺上海拍戏，赶唔切搵衫，先会着到咁热，当中Cecilia虽然以低胸上阵，但却惊人地露出打底“砵仔糕”！
Doris（中）以丝绒裙，见到就热。
Cecilia惊露胸垫！
早前有内地网红大弹冇得食嘢，饿足全程，今次就见到唔少佳丽出动外卖入场，当中Cherry及Debbie就揈晒外卖袋咁见人，Debbie仲拎埋毕业证书、泳衣同高跟鞋，指自己係哥伦比亚大学读计数机科学及环境生物学。
由艺人Uncle黄竣锋（前名黄集锋）提名嘅Anna，亦心口惊现大挞红印，佢就称係搭车时被安全带勒到心口红卜卜，由上次面试到依家已减走1.5 KG。有“翻版舒淇”之称嘅谭筱白亦第二次面试，今日佢以特别妆容示人：“因为想突破啲，唔怕太出位。（评审对你有咩评语？）大家倾吓偈。今日妆扮自己谂，平时锺意夸张妆容。（港姐未必可以太夸张？）大家取个中间位置。”#娱评大赏##家时光##创作挑战赛##香港小姐面试##TVB#
Cherry指上次面试好肚饿
Debbie拎外卖入场，仲有埋毕业证书。
谭筱白打扮有型，非常吸睛。
Anna被安全带勒到心口大挞红印。
,
