竣工已经有3年之久嘅《铁拳英雄》
寻晚终于喺万众期待中上线
其实呢部剧之前叫《唐人街》嘅
因为故事发生在海外
主要讲一班华人自强不息嘅故事
但唔知咩原因
TVB迟迟唔播佢
等咗一个又一个春夏秋冬
依家终于有声气了
原来係部剧要改名做《铁拳英雄》
叫得“英雄”
又由陈展鹏、元秋、王君馨等等人物主演
加上背景又係年代感十足嘅民初功夫片
令人不由自主咁联想到
之前曾经大火《城寨英雄》
果不其然
《铁拳》冇令大家失望
第一集一出街
全世界都觉得佢就係《城寨》
之前煎pang都有提及
《唐人街》嘅内容会有所改变
至于改成点佢自己都好期待
依家睇嚟
TVB係有意将《铁拳》
打造成《城寨2.0》
谂住重塑当时嘅辉煌吧
话说《铁拳英雄》
确实延续咗《城寨》嘅“剧情”
连角色人设都抄到足晒
一样係“男一”同“男二”
父辈嘅恩怨延续到佢哋身上
而“男一”嘅妹妹又因为意外失踪
……
连演“妹妹”都一样係王君馨
王君馨在《城寨英雄》中饰演风情万种的“花曼”
王君馨在《铁拳英雄》中饰演杀手“程安娜”
讲起王君馨又係觉得佢有啲唔抵
事关佢兢兢业业咁拍完部戏
等咗几年都未出街
守得云开见月明之时
自己又咁啱约满离巢
TVB又係绝嘅
见君馨要走就唔係自己人了
套剧出街嘅宣传人物海报就忽略佢
宁愿出5格留空一个位
网友大惑不解、戥君馨唔抵
但TVB即刻发声回复
话宣传会根据剧情安排
后面会有王君馨嘅露出
係早已安排好晒
定係被谴责后补镬？
最新发出嘅宣传带上咗君馨
仲特意标翻个话题俾佢添
网友表示
王君馨为TVB服务咗14年
如果最后都不配拥有名字
咁旧东家就真係唔够大气啦
而喺颁奖礼落选视帝嘅陈展鹏
喺《铁拳英雄》入面就搏到好尽
拍摄嘅时候恰逢囡囡出世
要照顾屋企又忙工作
搞到自己精神紧张
又因为部剧打戏多
自己经常一人对打多个
有次仲带病上阵打到布景都烂埋
最令人惊艳嘅係
煎pang今次除咗有出圈嘅打斗戏份
仲会破格变身sexy “靓女”跳艳舞
佢自己都话
为咗完美体现“好身段”
垫咗好多“钵仔糕”
连脚毛都剔到干净晒
唐诗咏见到都会忌佢几分哦
咁敬业嘅煎pang
最近会唔会多啲出镜？
据闻佢手头上仲有
好几部已经完成嘅剧被压住未播
如果今年煎pang嘅作品
可以全部出街
下届视帝会唔会有机会？
MORE
今日娱乐看点
被“喜羊羊”歌词鼓励
《喜羊羊与灰太狼之筐出未来》发布咗
周笔畅演唱嘅主题曲
《别看我只是一只羊2022》
“就算会摔倒站得起来永远不会沮丧，
在所有天气拥有叫人大笑的力量”
歌词鼓励大家不惧挫折困难
盐焗李易峰？
《镜·双城》发布制作花絮
峰峰拍摄雪地场景嘅时候
工作人员将道具雪盖落佢身上
竟然好似撒盐去“盐焗”佢咁
王嘉尔新歌叫《王嘉尔》
王嘉尔同名曲新歌《王嘉尔》上线
用音乐将自己创作、成长嘅故事唱俾大家听
独特迷人嘅嗓音配上入心的旋律
听一次就令人沦陷
资料来源：微博、豆瓣
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
,
