上次同大家講到我果個我分咗居两個幾禮拜嘅老婆啊Ann，Mandarin Coff Shop 同我講佢懷疑自己有咗！
就係呢個電光火石嘅时間裏面，我即刻用我嘅智慧同記憶佢分析呢件事嘅可能性！
哎吔！唔係冇可能架！
药材舖On Sale，大劑叻！
D女人點可以咁唔小心嘅呢？唔通佢地唔記得林太嘅吩咐，寳寳嘅忠告咩？
「寛！咁而點呀？」
而家問我點？女人就係咁架叻！未出事之前，又话點，又话點，一出咗事就净係識問人點！我當时俾咗一個我認爲好合適嘅答案佢！
「係咯！咁......而家點呢？吓？」
我喺度諗，萬一真係有BB，改咩名？男嘅叫「雄律」，女嘅叫「潔贞」好唔好呀？
阿Ann好煩惱，佢居然話：「如果我唔要個BB呢？」
「吓！」我有强烈嘅反應：「唔得！你唔要你俾番我吖！」
阿Ann嘅情緖好似好低落，我從未見過佢咁嘅，佢Dup低頭啜晒杯檸檬水就起身話走！咁個BB件事點搞呀？
「聼日去 Check Check再Call 你！」
呢一晚，我唔係好好訓！因为我訓唔慣客房！
I Don’t Like To Sleep Alone。
,
