勒拉迭嗰世界哴向，有得四大文明古国，唯独中华文明、文化跟历史是传承有序连绵不绝呃，而且还邪气博大精深多姿多彩哩，不单单是迭恁样子噢，勒拉中华文明、文化跟历史当中，既有得阳春白雪，又有得下里巴人；既有得精华文化跟文明，又有得糟粕文化跟文明，各类方言“骂人”閒话跟国骂，就是属于下里巴人、糟粕文化！
比方讲：“国骂”呃口头禅是“他妈的”，要是写成汉字，则被简写为“TMD”，大家侪是知晓明白呃；“京骂”既北京人欢喜讲“傻B”跟“二货”；浙江宁波人呃口头禅是“娘希匹”；江苏苏北人呃口头禅是“啊呦喂，吾勒块哩噶妈妈”……如若讲还要去举例各地方呃骂人閒话，还恁去例举出一大堆唻噢，真呃可以讲是不胜枚举。
既然讲到了各地方呃骂人閒话，就覅恁覅去讲讲笔者所在呃城市上海市呃骂人閒话了，有得一段辰光上海人最最欢喜讲呃一句口头禅就是——“册那”，本人看到有人畀迭组词语写成汉字呃辰光，也有人畀“册那”迭嗰词语写为“删那”迭嗰词语呃，迭嗰词语是上海方言閒话当中，可以讲是经常用呃发泄词。有覅少呃上海人，勒拉讲任何一桩事体跟故事呃辰光，开口闭口就畀迭嗰词语先讲出唻，假使迭嗰词语覅先讲出唻呃閒话，伊本人接下唻就覅晓得哪恁去讲了。
覅单单是迭恁样子唻，就连得浙江温州地区啊会得去使用迭嗰词语呃，温州人勒拉讲迭嗰词语呃辰光，所要表达意思就是表示邪气一般般呃，多多少少对对方是有得一眼眼看覅起呃咪道哩。比方讲：某个温州人勒拉吹牛三，另外一嗰温州人就会得表示迭嗰人是邪气一般般呃，就会得去讲： “册那，伊算啥，老子比伊还要唻三噢！”
实际哴向“册那”呃“册”字：最最正确呃写法跟文字应该是“戳”，伊嗰意思就是指用既硬又尖呃物体（端）去触击，勒拉俗常使用中也可发“册”迭嗰音，原因就是因为直接就去使用“戳”迭嗰字，就显得太直接粗鲁邪气覅文明，所以用近似呃发音唻代替。
“册那”呃“那”字：最最正确呃写法跟文字应该是“㑚”伊嗰读音为“（nuó）”，迭嗰是吴语地区方言文字跟读音，勒拉吴语发音当中，“㑚”等同于“那”字，俩嗰字呃发音侪一模一样呃，伊属于“倷啦（你们）”呃连读发音，伊表示第二人称复数，你们。
勒拉每嗰企业里向，侪是有得财务部门呃，勒拉财务部门当中，通常又畀分成了俩嗰岗位，一嗰岗位是“会计”，另外一嗰岗位是“出纳”，“会计”是管账目呃，“出纳”是管现金以及支出呃，勒拉上海方言閒话当中，“出纳”呃读音跟“册那”侪是一模一样呃。
某些金融方面呃专家，经过长时间呃研究，发现了迭恁一嗰现象哩，相比国外唻讲，国内呃金融业跟各类金融技术覅是邪气发达呃，就算是时光走到了上嗰世纪90年代末期，科技、网络、金融也是勒拉迅速发展跟前进，各类银行也推出了替企业代发工资业务，但畀过，勒拉覅少单位或企业里向，发工资基本哴向是以现钞形式为主！
笔者勒拉1998年某技术学校做实习生呃辰光，起码要有得半年辰光，每嗰号头去领实习工资呃辰光，也同样是发放现钞呃，一到领工钿呃日脚，大家侪会得去财务部门领铜钿。有些人就会得开口去讲道：“出纳（册那）迭号头呃钞票哪恁噶末较少啊？！”还有些人就会得开口去讲道：“出纳（册那）每嗰号头一塌刮子就迭眼眼死工钿，侬哪恁老是要板板六十四去计算老半天啊？！……还恁够清楚呃去记得，财务部门有得两趟仔畀两嗰老员工呃工资搞错忒了，勒拉其中一嗰人，伊本人就直接冲到出纳处，起先是有商有量对出纳（册那）讲到：“出纳（册那）侬今早仔拿吾迭嗰号头呃工钿弄错忒了，少畀吾覅少铜钿噢，请侬马上去搞搞清爽，畀少给呃铜钿要去补齐！”到了后末唻就哇啦哇啦跟出纳（册那）讲：“出纳（册那）侬拿吾嗰工钿搞错忒了还要死覅承认，去硬装啥呃斧头柄讲自家呒弄错忒，侬哪恁好去拣佛烧香，欺软怕硬，看吾平常辰光覅大响呃，一副老实相，覅大愿意跟任何一嗰人去多讲一句废话，吾就畀侬迭恁样子唻欺啊！”……
嗰人是迭恁样子唻理解并认为呃，覅管哪恁去讲，“册那”迭嗰词语毕竟是属于覅文明方言閒话用语、是脏话词语，为了避免言语覅够文明，下面凡是波及到了“册那”词语一律用“CN”唻替代。
据相关呃语言专家考证，“CN”是属于吴语地区忒有呃方言词语，其他地方是呒得迭嗰词语呃，勒拉最初呃辰光，大家只畀过就去讲了“CN”迭嗰词语，但畀过勒拉某些人呃内心深处，总归觉着还少了一些啥呃么事。于是，又勒拉“CN”后头陆陆续续去添加了覅少呃词语。某些覅大文明呃人，还会得欢喜畀“娘”字一道连带进唻。比方讲：就有得“嵌字法”--吾CN噶娘；“添字法”--吾CN娘起唻；“嵌字添字法”--吾CN噶娘噶起唻……语言发展到了后头，最最多呃辰光连着去讲六嗰字语，还有得两种讲法，而且讲得邪气多呃，覅是勒拉讲：“吾-C-N-娘-噶-哩！”就是勒拉讲：“吾-C-N-娘-只-B！”
上段文字当中呃“B”字，实际哴向是“逼”字，据说勒拉上嗰世纪呃20年代，大文豪鲁迅先生对于某些文人或覅文明呃人是不屑一顾呃，因为伊拉动覅动就会得去联想到当年呃“弱势”性别呃器官。吴语地区呃人，逐步勒拉互骂当中、实际运用中，就先隐去了迭嗰“逼”字，量词当中呃“只”字就覅附存在了，改成：“吾CN娘”。
迭嗰吴语词语勒拉刚刚开始呃辰光就作为一种口头语了，到底是啥人勒拉操啥人呃对象就变得交关模模糊糊了。勒拉通常情况下头，吴语地区呃人，勒拉讲閒话呃辰光，都会得去承袭一般呃口语规律，还经常性会得去省略某些主语噢，就演变成为了三嗰字，讲道：“CN娘。”一旦勒拉讲迭句閒话呃辰光，如果一直是拖娘带口，而且迭种习惯覅肯去更改呃閒话，始终是覅大雅观、覅文明呃一桩事体，还会让人觉着邪气别扭，就删去了“娘”字，“CN”就相形而出了。
还有一点也同样是需要去讲清爽呃，勒拉吴语方言閒话当中，“乃”字发音同样是可以读成“那”字，因此“CN”勒拉某些辰光还可以被写成了“册乃”，迭嗰“乃”字就表示“你”、“你们”或“你们的”等等。勒拉迭嗰辰光，伊嗰宾语就变得邪气暧昧了，操啥人就呒得啥呃目标，有些辰光还会得让人丈二和尚摸不着头脑，聪明呃上海人就再去精简精简省略省略，把老底子“CN”后头发明出唻呃词语，通通一道去精简省略忒了，干脆直接了当就去讲“CN”迭嗰词语了。
“CN”迭嗰词语勒拉最初发明出唻呃辰光，是当做骂人閒话唻使用呃，是邪气覅大文明呃粗鲁方言閒话用语，对于某些文明呃人、层次邪气高呃人唻讲，是邪气覅屑于去使用迭嗰粗鲁词语，假使有人使用了迭嗰词语，就会畀那些交关文明呃人，翻白眼看大覅起呃！
辰光一长久而久之，时光走到了今早仔，“CN”迭嗰词语，既并非是真呃要去操了啥呃人，也并覅是勒拉骂某人噢。上海人勒拉讲迭嗰词语呃辰光，是拿伊当做语气助词唻运用呃，反而被演变成为了“调侃”、“自嘲”跟“强调”等意思，唻表达自家所要去表达呃一种情绪。“CN”就好比现在普通閒话当中呃“卧槽”跟“我靠”噢。
伴随着时代呃前进跟发展，“方言閒话”跟“语言”也是勒拉不断前进、发展跟变化呃，“语言意识”逐渐就勒拉上海人心目当中逐步展现开唻了，为了引起覅必要呃矛盾跟误会，就此勒拉“CN”呃基础上头，去添加了一嗰主语，加了一嗰“吾”字，就称之为“吾CN”，迭恁样子去做，就好明确表示自家既并非是勒拉调侃啥呃人噢，也覅是吾勒拉骂人噢，最多讲吾现在只畀过勒拉发泄一下情绪罢了！
笔者最最早听到“CN”迭嗰词语呃辰光，是勒拉自家读小学呃辰光。还恁够清楚呃去记得，勒拉掰搿辰光，三姨妈倪兰英是邪气欢喜笔者呃，伊经常会带吾到伊拉屋里厢去白相，到了放暑假呃辰光，也会得住勒拉伊拉屋里厢。伊本人生了俩嗰囡鱼，大囡鱼叫“清清”，小囡鱼叫“小燕子”。大囡鱼从唻就呒得去讲过一句脏话跟粗鲁閒话噢，小囡鱼勒拉某些辰光、勒拉读初中呃辰光，就会得脱口而出去讲一些脏话跟粗鲁閒话呃，“CN”迭嗰词语就是听伊讲畀吾听呃，辰光一长久而久之，勒拉某些辰光本人也竟然会得去讲迭句脏话噢。
孔子曾经讲过迭恁一句閒话，曰道：“十岁不愁、二十不悔、三十而立、四十不惑、五十知天命、六十耳顺、七十古稀”……就勒拉笔者到了“不悔之年”，刚刚开始有了工作做生活，碰到了休息天勒拉屋里厢谈山海经呃辰光、勒拉讲閒话辰光会得去讲“CN”迭嗰词语，某一天突然之间就畀大自家五岁呃亲大哥喫了一记耳光，还讲道：“吾迭恁做是为了侬好，从今往后侬覅好再去讲了，养成了迭嗰坏习惯习惯成自然了，侬走到社会上去讲，到辰光就会得喫亏呃！”……
【备注：①文章为作者原创；②各种贺友直老上海风情系列画作图片以及各类文字动图图片均来源于网络上；③感谢原创图片。】
杜老倌侠客居（陆伟）写于2020年04月16日星期四晚上
,
