早前可乐君同大家介绍过
两出夏日播出嘅搞笑片
其中黎耀祥、陈豪主演嘅《杀手》
听晚就要开播啦！
☟
TVB夏日最强剧集？陈豪、黎耀祥《杀手》终于“杀”到埋身！
最近大台都好俾心机搏命宣传
不断放出剧照、预告片
以及各种花絮俾大家睇
又隆重其事搞记者会
叫齐人马出嚟造势
Well
呢出戏好多人都好期待
话晒都靓女多啊嘛
有龚嘉欣、高Ling等等
已经够晒杀食
配角都好精彩
有郑子诚、何远东、马海伦等等
佢哋真係企喺度都有戏
不过
点都唔够美仪姐咁爆
近年来佢喺可乐君眼中
係个持家有道嘅师奶形象
各种买餸煮饭节目
都经常见到佢嘅身影啦
但喺新剧里边
佢画风急转
扮演“一楼一凤”
你话惊唔惊喜？！！！
为咗做好呢个角色
美仪姐同编剧一齐
去访问过真实嘅凤姐
真係十分敬业！
剧中佢嘅造型
都係参考咗真正嘅凤姐
平日係淡妆
做凤姐嘅时候就好浓妆：
“眼睫毛特别劲，
因为D灯全部红色，
黐眼睫毛个样精神D。”
佢仲介绍话
剧中黎耀祥係佢嘅恩客：
“佢成日帮衬我，
帮衬到大家其实好熟了。
我会煲汤俾佢饮，
佢会帮我执床。
所以我有咩问题都会同佢商量。”
后续佢哋会发展一段微妙嘅关系：
“一个女人面对咁多嘢
冇人帮到你嘅时候，
反而佢嘘寒问暖
变咗一个好好嘅朋友，
跟住就发展好微妙嘅关系。”
介绍完角色
美仪姐有所感悟咁话：
“其实所有职业的人，
杀手又好，一楼一又好，
都係有血有肉嘅一个人，
都有感情，有牵挂，
呢套戏D杀手全部有情有义。”
除咗所谓淡妆浓妆
美仪姐呢出戏
仲会有好多劲爆造型
真係豁出去啊！
另外
前一轮嘅话题人物谢东闵
喺新剧里边都有演出
佢就话呢个可能係
入行以来最钟意嘅角色
“呢几年比较多饰演乖、好斯文，
比较正面、讨好嘅角色，
今次呢个会非常之唔同，
角色个层次上好深。”
除此之外
近期话题人物江嘉敏
亦有份出演
剧集真係唔惊冇热度啊
佢介绍自己角色係个混血儿
会学D可爱嘅口音
动作都娇嗲D
虽然个造型就比较男仔头
但係靠把声同动作
都杀死晒D宅男啦！
总而言之
今次出剧真係猛料啦
大家又最期待边个角色呢？
资料来源：TVB官博
艺人社交平台
编辑：Junko
*文中图片如涉及侵权请联系，立即删除
点击下图或扫二维码
get最新667期《可乐生活》
▼
海鲜包送到屋企
你都可以做厨神
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方唯一商务合作QQ：19021820609
,
