昨晚，令人期待已久嘅
第33届电视剧飞天奖
颁奖典礼终于盛大举行啦！
作为两年一届嘅盛事，
众多剧组也趁住咁难得嘅机会
重聚叙旧，携手走红毯。
其中，《觉醒年代》剧组嘅
组团售后就最令人惊喜！
于和伟、张桐、曹磊
几位主创合体现身，
齐齐分享剧组趣事。
红毯签名时，
因为唔够位写字，
张桐干脆将曹磊抱起来，
贴心得嚟又有啲搞笑，
为庄重典雅嘅现场
贡献咗最欢乐嘅一幕~
“飞天奖”与“白玉兰奖”“金鹰奖”
并称为中国电视剧三大奖，
同时佢又係国内创办时间最早、
历史最悠久嘅电视奖项，
所以权威性同含金量都非常高噶。
well~既然係颁奖典礼，
大家最关心嘅始终係
各大奖项花落谁家啦~
当晚共颁出五大奖项，
其中演员奖项嘅角逐最受瞩目。
36岁嘅热依扎凭借
《山海情》中嘅“水花”一角，
撼低闫妮、孙俪、周迅、童谣等，
最终夺得“优秀女演员”奖项。
出道多年嘅热依扎，
其实作品并唔算多，
且大多数都係配角。
不过佢喺《山海情》中
表现真係好亮眼，
几个笑容，几次落泪，
都係极具感染力嘅名场面。
在去年嘅“白玉兰”颁奖礼上，
热依扎就已经凭此角色
角逐“最佳女主角”奖项，
可惜最终错失“视后”桂冠。
当时观众嘅惋惜声上嗮热搜，
好多人仲引用《甄嬛传》中嘅
一句名台词喊话刷屏，
来表示对佢嘅喜爱与支持。
今次，热依扎获奖，
仲成为咗首位85后“飞天奖视后”，
真系一位未来可期嘅女演员吖~
值得一提嘅係，
热依扎发表获奖感言时，
一度激动哽咽，
孙俪也在台下共情落泪，
观众一秒梦回《甄嬛传》，
真係意外收获嘅回忆杀！
而男演员方面，
呼声最高嘅于和伟大热倒灶，
令人惊讶又遗憾。
佢参演嘅四部作品：
《觉醒年代》《巡回检察组》
《理想之城》《大决战》
都获得咗优秀电视剧奖，
也算係“满载而归”啦~
“优秀男演员”奖花落王雷，
因为佢在一众提名者中
知名度比较低，
加上获提名嘅作品
属于《功勋》其中一个单元
戏份唔算多，
所以被好多人话係爆冷。
佢嘅演技确实可圈可点，
在《功勋之能文能武李延年》中，
王雷将一个有血有肉嘅
“李延年”演得入木三分，
文武戏都非常精彩，
今次攞奖都係实至名归噶！
而本届“飞天奖”优秀导演奖
最终由《觉醒年代》嘅
导演张永新获得。
优秀编剧奖则由
《山海情》编剧团队获得。
另外，仲有16部高质剧集
获得优秀电视剧奖项，
你有冇睇过晒呢？
你心目中的TA有冇攞奖？
边位选手错失奖项令你意难平？
欢迎留言同大家分享下吖~
资料来源：剧照、微博、豆瓣
网络信息综合整理
编辑：陈祉伶
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
