版主自小就好钟意阅读，以前放假得闲无嘢做，就会落去图书馆，睇下有无啲乜嘢好书，借番屋企慢慢欣赏。不过随著科技进步，版主愈来愈少会拎实体书出街，想睇书的话，只要用手机download个app，已经有海量书籍睇到饱。以前从来不明白，点解啲人要特登买部eReader黎睇电子书，手机做到嘅嘢，做乜要嘥钱去买部机黎做同样嘅嘢呢？版主都好老实，一直以来我都无用过eReader，直至最近有店舖借左部 Onyx BOOX 9.7 吋嘅 N96 俾我试，我终於明白点解啲人会捨得俾钱买eReader。即刻开箱同大家做个简单评测啦！
市场少见的 9.7吋eReader，用来看PDF/漫画，表现较6吋的佳
如果讲到eReader，市场上最出名嘅，应该係Kindle。咁要买eReader，点解唔买Kindle而要买呢部Onyx BOOX N96？呢部N96又有啲乜过人之处呢？首先係尺寸方面，现时市面上的Kindle电子书，好多时候都係讲紧6吋呢个size，曾经出现过一部 Kindle DXG，同N96一样有9.7吋，但最后难逃停產的收场。如果一般纯粹用来睇小说，6吋也许是够用的，但如果有时需要用到eReader睇 PDF档或者漫画的话，似乎 9.7吋的N96会比6吋看得舒服好多。
▲ 首先俾大家睇下，Onyx BOOX N96 嘅包装盒。
▲ 包装盒底部会见到呢部机的规格资料。
▲打开包装盒，除左会见到有 N96 电子书之外，仲有 USB 线、说明书以及一枝电磁笔。而 N96 的机身尺寸则有 9.7 吋。
▲ 机身右边会见到有四个按键，分别为设定、音量键以及返回键。
▲ 机的底部会有开关键、3.5mm 耳机孔、microUSB 插槽以及 microSD 咭槽。
▲ 而机的背面是金色，并用上金属材质。
▲ 另外，机的侧面是可以插住枝电磁笔，方便出外使用。
有笔是卖点！N96 运行 Android 系统，有 Google Play
撇除尺寸部份不说，Onyx BOOX N96 另一比较特别的地方，就係佢係有电磁笔。无错，有 9.7 咁大个屏幕，当然唔可以埋没佢呢个优点，就算唔係用来睇书，用黎 Jot Note，设计师用来画下图画，都係一个不错的用途，而且电磁笔的灵敏度亦相当高，版主试过，直澄同喺纸上写字的感觉差不多。还有的是，真没想到呢部 N96 eReader，居然会是运行 Android，内有 Google Play 商店，不过版本就唔会好新，只有 Android 4.0，另外亦都不兼容 Whatsapp 等应用程式。配备 Cortex-A9 1GHz 处理器，内置 1GB RAM 以及 16GB ROM，使用时有时转页会有少许慢，以及会有点不流畅的感觉，而且无法安装太多的应用程式，例如我安装了 Evernote，都会好易弹 App，呢个都是我认为 N96 的缺点。
▲ N96 既可以用笔操控，亦能够用手控制电子书。
▲ N96 既有电子书专用的 App Store，让用家下载不同的睇书 App。
▲ 同时，因为 N96 运行 Android 系统的关係，亦内置 Google Play 商店，算係一个 Gimmick 位，不过因为只有 1GB RAM 的关係，其实就算俾你下载 Google 商店入面嘅 App，你都用唔到几多，好似我下载 Evernote，都会係咁弹 App。
续航能力约 2-3 星期，E-ink 技术减轻长时间看书对眼睛的负担
不过，回应番首段:「手机做到嘅嘢，做乜要嘥钱去买部机黎做同样嘅嘢呢？」，最重要的是，eReader 始终因为用到 E-ink 电子墨水屏显示技术，当你使用 eReader 睇书的时候，即使长时间使用，都不会对眼睛有太大的负担，无手机屏幕咁伤眼睛。而且这种技术能够做到省电之效，配合内置的 3000mAh 电池，每日阅读 2 小时，充电一次大约可以用到 2 星期左右。
至於价钱方面，N96 系列其实有三个版本，N96c (无背光 无电磁笔) 卖价为 $2098，N96 ML (有背光，只能用电磁笔) 卖价为 $2498，而版主手上呢部 N96 (无背光 可用手或者笔操控) 卖价则为 $2498。唔知网友又对呢部 BOOX N96 有无兴趣呢？
▲ 用上 E-ink 显示技术，在任何环境下看书，都可以保持眼睛舒适，并且无手机咁伤眼。
内容转自公众号：BOOX专注阅读
,
