都话明星身材fit到爆,
你係咪好想知道
佢哋有乜“修炼”秘笈咧?
呢档明星健身观察真人秀
《哎呀好身材》可以话你知!
相较于一般嘅
减肥、健身类节目,
《哎呀好身材》系列
喺娱乐圈健身人群中
深挖出唔同类型嘅明星代表,
三季节目做落嚟,
都积累咗唔少粉丝噶~
而最近开播嘅一辑,
更推出“伴侣季”主题,
想探讨下健康运动和
情感关系嘅内在联系咁话啵。
而咁多对伴侣嘉宾中,
借住综艺宣传正式官宣恋情嘅
王大陆&蔡卓宜,
就最有关注度同话题度啦!
虽然係首度正式认爱,
不过呢对小情侣嘅“恋爱瓜”,
网友大大话话
都食咗一年有多了。
去年年初,两人结缘于
恋综《怦然再心动 》,
节目上埋堆玩闹互称“兄妹”,
私底下亲密约会频频被拍。
从去年到今年,
两人一时被拍到街头拥吻,
一时被曝机场甜蜜互动……
官宣可以冇,
但恩爱要高调秀!
几个月前,
蔡卓宜现身机场时,
甚至直接在包包上挂咗个
印有王大陆头像嘅公仔,
真係永远唔知热恋中的小情侣
可以有几多种放闪方式咯
所以佢哋嘅今次嘅官宣
更似係一个众所周知嘅
秘密终于公开咗,
好多网友都表示冇乜新鲜感。
反而因为佢哋官宣嘅时机
完全係配合节目宣传,
“商业”气息太浓,
有唔少网友就表示
呢份“工业糖精”有啲难啃咯。
well~其实人哋都
大大方方承认咗上节目
确实有为咗“公开恋情”的私心,
话嗮佢哋以情侣档参加综艺,
等于事业爱情双丰收,
何乐而不为咧?
除咗王大陆&蔡卓宜
呢对处在热恋期的小情侣,
本季节目仲邀请咗
结婚15年嘅田亮&叶一茜
“老夫少妻”嘅李光洁&隋雨蒙
“发福偶像”朱孝天&韩雯雯
四组处在不同感情阶段嘅
伴侣嘉宾撒起糖嚟,
甜蜜程度分分钟挥低恋综,
难怪会有观众担心,
健身真人骚最终
会变成甜蜜放闪节目嘅~
不过节目有请
刘畊宏&王婉霏夫妇
坐镇做主教练啵,
带领一班嘉宾跳操keep fit,
相信节目嘅“健身含量”
都唔会太少嘅。
据闻,刘教练仲会
根据每个人嘅体测结果
和彼此伴侣的意愿,
为佢哋制定专属运动计划,
运动KPI未达标嘅嘉宾
将与伴侣分离,进行加练,
听落都几刺激啵!
想知道运动的“多巴胺”
遇见爱情的“荷尔蒙”
到底会发生乜化学反应?
想get明星健身小妙招?
咁就不妨妨睇睇呢档节目啦~
资料来源:综艺截图、微博、豆瓣
网络信息综合整理
编辑:陈祉伶
审核:曾敏妍
签发:骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color,度身打造专属广州人的吃喝玩乐指南,潮流风向标资讯。
官方靓仔可乐君(handsomecolor)
,