打官司前准备 画外音：因为法庭嘅规例（规则先例），虽然陈梦吉唔系自愿受洗。但系好欢迎佢信奉天主。（陈梦吉差啲俾浸（淹，）死，好在龙二哥救佢）龙二哥：放咗佢。陈梦吉：哇！头先条女系噉意浸浸，乜啲仔要浸咁耐咖？咦，做乜打交（打架）呀？鼻血都流埋。龙二哥：冇打佢啊。神棍：唔关佢事，你睇吓。（前面一排鬼妹（外国女人），全部个身湿晒，好性感）陈梦吉：超！鬼妹啫吓哗？我至憎添啊。（自己都流鼻血）龙二哥（流鼻血）：都还可以喎。（洪十八同众弟子入狱）洪十八（教训红毛鬼一餐）：通你娘亲个柜喇。收返自己副牌九。重有啊，收埋我副麻将，麻将台凳全套。红毛鬼：What?（俾爆打）阿欢：多谢洪大哥。洪十八：多咩谢呀？陈梦吉叫到，我实睇住你咖。大力（用力、使劲）啲耷佢。
官司第一堂（香港最高法院：人物：主控官，陈梦吉，吕忍，陪审团，法官……法庭爆棚）手足：Court!阿欢：我师父，巴闭（牛逼）。我师父，好犀利（厉害）。法官：请大候选陪审团出嚟遴选。张铁生先生，你系残废（残疾）人士。本席豁免你做陪审员嘅义务。张铁生：Objection.法官：你又Obje乜嘢？张铁生：歧视伤残人士系有违法律精神嘅行为，我张铁生虽然双目失明。但系一直以公正严明明辨是非嘅心处事。做陪审员系我嘅宏愿。如果你唔畀我做，我就投诉你。法官：好呀。我畀你做。张铁生：多谢。
（辩方陈梦吉同吕忍）陈梦吉：又有陪审团，又有法官，九十几人，究竟边个话事（说了算）架呢吓？吕忍：系吖！陈梦吉：你答咗我架嘞吓哗？吕忍：好呀！法官：主控官！主控官：各位陪审员，喺未来呢几天里便，我将会喺你哋面前展露人性最丑恶嘅一面，呢一宗系一宗听后令人毛骨悚然，丧尽天良嘅蓄意谋杀案：被告何欢，同受害人何春嘅妻子颜如玉有染，佢唔单止淫人妻，重处心积虑想完全占有颜如玉，于是约何春出嚟将佢杀害。颜如玉至今下落不明，我哋系有理由相信，亦都同遭被告杀害嘅。我哋深信全能嘅上帝，因为佢系公义嘅，呢一度系法庭，系佢彰显公义同何春申冤嘅地方。（好多口水喷落陈梦吉身上）陈梦吉：高手嚟！法官：辩方！陈梦吉：法官大人，请准问陪审团几个问题。法官：咩问题呀？陈梦吉：相当重要嘅问题！法官：你问呀！
陈梦吉：陪审团，若然（如果）有觉得被告靓仔嘅请举手！（全场冇动静，除咗阿欢自己举手）有觉得被告唔靓仔嘅请举手！（冇动静）有认为被告极度样衰到非常嘅请举手！（全场人全部举手）陈梦吉：各位，被告样极衰，钱亦极冇，何其甩皮甩骨（皮骨分离，形容长相极为丑陋）呢有目共睹嘅，试问有捻本事去勾引一个香港大富家族嘅总经理太太呀又？主控官：反对！大人。陈梦吉：大人，我只想证明控方指证被告嘅杀人动机，根本上就离晒大谱！主控官：大人！辩方嘅比喻先至（才）离晒大谱兼不切实际！陈梦吉：实际啲吖嗱（手指向陪审团中一位丑样嘅老女人）嗰位姑娘，如果被告想沟你，你受唔受沟？
老女人：梗系唔受啦！（表情严肃）陈梦吉：畀返一千几百过你吖，顶住半晚先都得啩？老女人：有冇搞错呀？一千几百咁少呀想沟我，你个死铲（恶毒的骂人话）！（非常生气，手指向阿欢）阿欢：喂，大姑！你答问题就答问题啰，你做乜闹人死铲得架你？你而家咩状态呀？你个咩新丝萝卜皮呀？我话你知。你呀，我话你知吖，我何欢喂鱼都……老女人：你系一个穷心未尽，色心又起嘅杀人犯嚟架。抵你坐监，坐到你死都抵吖。（两人嗌交（吵架）嗌到拫晒）
法官：静一静！！！！陈梦吉：大人，杀人动机已经证明咗冇架嘞，再讲……主控官：大人！被告靓唔靓仔样唔样衰根本同杀人系冇关系架，况且辩方喺度……陈梦吉：咪住！主控官：你咪住先嗱，况且被告……陈梦吉：听埋我讲先喇，就算真系杀人嗱，都行远啲呀，有咩理由喺自己返工地方冧友（江湖黑话：杀人）呀？主控官：噉你认为何春系点死咖？陈梦吉：我点知呀？喂，大家谂谂呀，话唔定（说不定）系何春垂涎被告嘅箩柚，因奸不遂反而自杀，顺便嫁祸。法官：陈梦吉！呢度系大英帝国嘅法庭，唔系你哋啲中国地踎衙门，我都唔知你做紧乜？唔识法律，唔该你返去读多啲书，你唔为自己着想，都唔可以丢晒你哋啲中国同胞嘅架！陈梦吉：疏利！疏利（外来词sorry）！（返埋位细细声同吕忍讲）
陈梦吉：开口埋口（张口闭口）大英帝国，条友唔记得咗香港借畀佢哋架啫，要还架，大佬！喺我哋个场噉嚟串我，仆佢个街！吕忍：为咗阿欢一人少句喇！陈梦吉：噉系吖嘛！疏利！疏利！法官：传召证人！证人一：当时我喺厨房洗紧米，听到枪声咪走咗入后栏睇吓。主控官：你出去见到啲乜嘢？证人一：见到死者何春佢中咗一枪，周身都系血，瞓咗喺地下，何欢佢重揾支枪指住佢，系噉样笑咗三声：哈哈哈！何春你今次重唔死？主控官：跟住点呀？
证人一：跟住我好惊，嗌咗出嚟，然后何欢发咗癫噉样追杀我哋！陈梦吉：反对！证人你讲紧咩呀？你喺差馆（派出所）落嘅口供唔系噉架？主控官：我就系想问，点解你要改口供？法官：反对无效，证人回答问题。证人一：因为我惊何欢报复，所以当初冇讲全部真相。主控官：我冇嘢问，到你嘞。陈梦吉：要求一号证物呈堂！（扐起一柄火枪）证人！呢支枪只能够打一发子弹，你话听到枪声过后，佢重点样追杀你呀？证人一：佢唔系用枪追杀我。陈梦吉：用咩呀？证人一：圆月弯刀！陈梦吉：（大跳）有冇呀？（呈上圆月弯刀）真系有？
证人二：何欢追杀我，佢用嘅系血滴子，佢一路系噉追我，我好惊好惊！佢一路系噉追我。证人三：佢用支三节棍扑我个头，系噉扑呀扑，左又扑，右又扑……，系噉扑……证人四：佢当时用一对鸳鸯柳月刀。陈梦吉：呢啲所谓证物，我事前从未见过。主控官：呢啲系新发现！陈梦吉：杀一个人何须带齐十大武器呀？
主控官：噉更加证明，何欢早有预谋，连无辜嘅市民都想残害，揽住死一镬熟（同归于尽之意）。何欢：你个口水精咩都你讲晒，你冇好死啊！你生仔冇屎窟（屁眼）呀！主控官：大人，我要求加控何欢恐吓司法人员，藐视法庭，蓄意伤害我身体同埋喺公众地方掟垃圾四项罪名。（俾只鞋掟中）陈梦吉！陈梦吉：我冇掟到呀！唔系我掟咖。嗱，你冇乱嚟呀！一观众：你掟咗我只鞋算点呀？快啲畀返只鞋我呀。陈梦吉：顶住呀！顶住呀！（吕忍掟返只鞋畀嗰个人）（法庭休息）
