无惊无险又一个礼拜，
新一期《声生不息》
热度稳定上分！
二公竞演以“一生所爱”嘅
主题拉开帷幕，
今个礼拜又有边个
舞台睇到你意犹未尽？
不得不说，
作为综艺小能手嘅
芒果台搞情怀（褒义词）
真係好有一手！
开头请嚟殿堂级音乐制作人
卢冠廷献唱《一生所爱》点题，
片尾特邀吕方以一首
《朋友别哭》催泪收尾。
更安排“紫霞仙子”
朱茵惊喜献声旁白，
将回忆杀套路玩得极顺手。
well~开头结尾咁精彩，
都要睇翻正文好唔好，
上一期节目中，
coco李玟、曾比特
被高票选中互换阵营，
所以二公也首次迎来
男女合作舞台。
不过今次嘅两个
男女合作舞台
似乎效果都未尽人意。
曾比特、安崎演绎
黎明金曲《夏日倾情》
梦幻舞台充满青春气息，
作为小甜歌，浪漫满分。
但因为原曲蕴藏咗
黎明和歌迷双向奔赴的情感，
唔少观众就觉得
“小甜歌”演绎差啲意思。
顺便插个“彩蛋”：
有网友发现今期曾比特
个look神似keroro军曹，
广东朋友简直秒get……
李玟、林晓峰同
魔动闪霸带来
草蜢的《半点心》，
歌中仲融入咗李玟嘅《叩叩》
大刀阔斧的改编，
有人觉得眼前一亮，
有人就认为难以接受，
起码喺“魔性”呢点上，
大家意见比较统一。
呢两个舞台系咪今期包尾？
咁就见仁见智啦～
不过讲到最正嘅两个舞台，
今期观众反响难得一致。
男队嘅最佳合作金曲，
由李克勤、毛不易的
《最佳损友》获得。
冇错，今期又有Eason！
简直係《声生不息》
场外“最忙嘉宾”
截至目前为止，
陈奕迅几乎“全勤出席”，
而且据路透，
下两期都有佢嘅歌哦~
（最终曲目以播出为准）
今次《最佳损友》舞台，
火车车厢设景劲有feel，
李克勤、毛不易嘅声线
搭配起身意外合拍，
就係动来动去vs一动不动
呢个场面有少少搞笑。。
女队嘅最佳合作金曲，
则由杨千嬅、周笔畅和单依纯
演绎嘅《高山低谷》获得。
“你快乐过生活，
我拼命去生存”
呢首助力林奕匡完成
从低谷到高山逆袭的歌曲
经由“二代半”女歌手重新演绎
有种不一样的味道
都话最精彩嘅
永远在下一集
虽然二公竞演尚未播完，
但三公录制已经于近日完成
而令大家最惊喜嘅係，
三公舞台将有飞行嘉宾加盟！
据现场观众路透，
（最终舞台以播出为准）
首轮飞行嘉宾有张智霖、王源，
佢哋会将喺第6期节目
合唱《岁月如歌》，
第7期节目亦有两人嘅独唱舞台
对于之后嘅飞行嘉宾，
呢几日有唔少网传名单流出，
其中被cue得最多嘅容祖儿
自节目未开始就
一路获得超高呼声，
但一直未能见到她的身影。
日前有消息指，
佢将会以连线方式出现，
类似今期嘅特邀嘉宾
卢冠廷、吕方咁，
但唔会到现场参加节目。
虽然人未到，
但三公独唱舞台歌单
终于出现咗容祖儿嘅
代表作之一《心淡》，
人未到场、金曲先上阵，
大家可以小小期待下？
MORE
今日娱乐看点
刘畊宏家各火各的
铁血教练刘畊宏、
甜心辣妈vivi王婉霏 、
软萌公主小泡芙，
一家三口都人气爆棚，
搞到网友都好忙
唔係忙住跳操
就係考古小泡芙嘅可爱片段。
《欢迎光临》定档
正午阳光新作来袭~
黄轩、白百何领衔主演嘅
都市生活轻喜剧《欢迎光临》
正式定档5月18日，
值得一提嘅係，
呢次也係白百何和鲍鲸鲸
自《失恋33天》、
《浮沉》后的第三次合作。
《浪姐3》即将上线
《乘风破浪》（《浪姐3》）
今日发布主视觉海报
宣布节目即将上线！
虽然官方阵容名单尚未释出，
不过大家已经从各种路透中
整理出完整名单
（最终名单以官宣为准哦），
唔知你对《浪姐3》有乜期待？
向下滑动查看
资料来源：微博、综艺截图
网络信息综合整理
编辑：陈祉伶
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
