呢段时间都系雨水天比较多，又都会逐渐变热，总之飘忽不定啦。而呢个时候竹子都会搏命生长得好快！
因为广东呢边都算系雨水量充沛，热量稳定的地方，所以系竹子生长最理想的生态环境~
而最识食的花都人就绝对唔会放过佢！走！等我带你地去食咗佢！
唔洗惊，淡定D，我唔系带你地去食竹！而系带你地去花山食竹筒饭！
出门刚好碰上“萧敬腾”，唔通真系贵人出门招风雨？但都阻止唔到我去品尝听闻每次人流量爆棚的竹筒饭，重点系要提前两小时预约~
附上菜单比大家及及先。人均30 就可以食到你“嗝”一声~
主打的是竹筒饭和特色竹筒菜，老板最先嘅霖法就系坚持绿色健康的理念，既有独特新奇食法又充满生态自然气息，凭实力打造花都第一间特色竹筒饭！
果然！佢做到佐！
店招竹筒饭系由腊味、鸡肉、排骨、叉烧四种料搭配组成，所以称为“四宝”，再利用竹子烧制~
竹的清新和新鲜食材相融合，既有米香，又有竹香，食起身不但香味可口，饭粒松软，仲有极高的营养价值，极受大家的喜爱。
食材份量十足且丰富，落足料！米饭酱黄，精选的腊肠和叉烧肥瘦分明，而鸡肉都好Q弹。整体外香内嫩非常美味。唔讲住，我要食多碗！
制作过程十分复杂：先准备好新鲜的竹筒，然后将浸好的米和其他食材装入竹筒内，再加入适量的水，用鲜蕉叶塞入个竹口，然后放系火上边烧。
竹筒一边烧亦都要一边洒少少水到竹筒上，因为防止将竹烧爆~
火候控制、食材准备、时间精准度，有一个步骤出错都会有影响。所以师傅好谨慎好认真咁对待每一份菜品，真系辛苦晒师傅~
经过长时间的烤制，终于等到我最钟意嘅石螺啦，系隔离等个阵，闻到d香味都想即刻食。
石螺清洗得好干净，又无泥沙。嗦一啖，一个字：正！既能保持螺肉原有的鲜甜，再加上各种调料，完全入晒味，肉质爽脆，味鲜香甜~
我相信肯定有好多人，细个阵时都会同小伙伴或屋企人去小河边小溪边“摸螺”。
美好记忆一直都留系你地心入面，无法忘记，而个种记忆亦都只属于你~
加入虫草花作为配料同鸡肉一齐烧制，会令汁液变得更加鲜甜。而虫草花系有滋补、美颜功效。平时屋企人煲汤都会放虫草花落去~
阿姨两三下手势就斩完只鸡，然后腌制各种食材，最后再放入竹筒入面。
鸡的皮下脂肪基本上系无嘅，唔会有好多油。煮出黎的鸡肉质感好嫩滑，甜汁入味，越食越有味，越食越想食。唯有美食不可辜负！！！
而鸡的种类系清远走地鸡，由老板亲自挑选，在饭店旁边空地饲养，每日仲会生好多鸡蛋添。老板话到咗夜晚d鸡仲识飞去树上训教~
餐厅大部分食材都系自己种植或饲养，例如鸡、鱼、青菜。自己种植饲养绝对可以令大家食得放心。
撑君妹实在系太调皮，忍唔住冲过去吓下佢地~
店内环境简单淳朴又舒适，虽然无华丽嘅装饰，但系干净舒适的环境令人感觉特别舒服~
内设单独包间，入面仲可以打麻将添，等食之余又可以过翻下手瘾~
而餐厅的姐姐阿姨们都好热情。佢地准备食材的同时，一直同我倾计。而此刻我都静落黎十分乖巧认真听~
所有菜品都系用竹筒作为烹饪容器，所以每日好早就会安排师傅上山采竹。因为清晨的竹会吸收露水，会显得更新鲜清香~
用最新鲜的竹搭配最新奇独特的食法。放心，所有竹都系一次性使用，用完之后会当成柴烧咗，唔会造成浪费~
每道菜式都用心去制作，色香味俱全。用心对待每一件事就会有回报，所以生意咁好系有原因嘅~
开佐5年已经有来自不同城市的食客黎帮衬。从化、深圳、清远、番禺、湖南甚至系出国翻黎的朋友仔都会为佐食翻次竹筒饭而赶过黎~
靓靓阿姨同靓靓小姐姐仲会时不时叮嘱我，一定要趁热食先至好食。
佢地每个人都好贴心待人又亲切，可能系“三个女人一个墟”，走之前我都好唔舍得佢地，我地下次再见！
地址：花都区花山镇和郁村10队新思路自编61号
订桌热线：020-37701952，13352815310
温馨提示：大家记得提前两小时预约
营业时间：9：00-21：00
休息时间：14：00-16：30
地图：
每时每刻，总会有一道唤醒回忆的菜，味道可以延续，记忆就会一直系度~
行系乡间路上，望见缕缕炊烟，空中几只燕子系空中掠过，地上鸡儿系门前散步觅食，加上清新的空气，令人觉得心情十分愉悦~
留言活动
你地有无黎食过呢间竹筒饭呢？
或者大家仲有边间好野食介绍？
留言话比撑君妹知啦！我等你~
,
