《氹氹转》
氹氹转,菊花圆,炒米饼,糯米团
五月初五系龙舟节,阿妈距叫我去睇龙船
我唔睇,去睇鸡仔,鸡仔大,我拎去卖
卖得几多钱,卖得三百六十五个仙!
《一二三》
一二三,三二一,肥婆跳舞顶第一!
《猜情沉》
情沉剪,情沉包,情沉糯米叉烧包。老鼠吾食隔夜包,要食香口胶。
《月光光》
月光光,照地堂,年卅晚,摘槟榔,
槟榔香,摘子姜,子姜辣,买菩达,
菩达苦,买猪肚,猪肚肥,买牛皮,
牛皮薄,买菱角,菱角尖,买马鞭,
马鞭长,起屋梁,屋梁高,买张刀,
刀切菜,买箩盖,箩盖圆,买只船,
船浸底,浸亲两个番鬼仔!
一个浮头(一个摸慈姑),一个沉底(一个摸马蹄)。
《大笨象,咩支枪》
大笨象,咩支枪,揸支竹仔去打仗
打完仗,返嚟食碗辣椒酱,
隔篱屋企烧炮仗,问你响唔响,唔响升你两巴掌。
《排排坐,食果果》
排排坐,食果果,猪拉柴,狗烧火,
猫儿担凳姑婆坐,坐烂个屎窟唔好赖我,
赖翻隔篱个二叔婆。
你仲记得几多??仲有无特别印象深刻既童谣?快快评论话比大家知啦!
,