男神黄子华今晚踩上红馆舞台做郑秀文（Sammi）嘅演唱会嘉宾，佢话自己同Sammi合演完《失恋急让》时，唔算好熟，点知之后1年几，佢收到Sammi邀请，请自己做嘉宾，子华神话：「点解嘅？我哋唔识架喎！然后我上网我睇YouTube，哗，所有郑秀文嘅嘉宾，都系同佢好有关系o架噃，系咪？个个都有关系，直到我睇到一个，哦！呢个衰过我，我搵到有人垫底呀……」
之后，子华神就唱出《其实你心里有没有我》嘅头几句：「若爱上你怎么躲 换你迷人笑窝 而我每天总偷偷……摸你定想你o架？」Sammi即答：「想！」子华神神回：「想？想，使乜偷偷想啫？光明正大咁想，你都唔知我想啦，系咪？冇意思吓呢句歌词，但最后尾佢兜番『总偷偷的想你 这应否算是傻』」
然后，子华神问观众：「边个唱o架？」当全场答完许志安后，子华神就话：「许志安，你话系咪离谱？嗱！各位，我上嚟我犯嘅错系咩呢？安仔最错嘅系，我同跟Sammi唔熟就扮熟，佢同Sammi好熟但就扮唔熟！」」跟住全场尖叫同拍手以示和应。
「点解我咁讲？大家头先睇到我唱呢首情歌嚟o架嘛，系咪？梗系越唱就越埋o架啦，当时许志安上台唔系o架喎，由头到尾企喺呢度，然后我搵把尺喺YouTube度度佢，佢同郑秀文嘅距离系平均15呎，做咩呀？好生宝呀？而佢同叶德娴又一齐唱一首歌，平均距离系8呎，咁系咪扮生宝呀？
,
