广东人最怕改错名 一
又到春游季节，"圣武能"小学校长“韩家灿”（冚家惨），稳咗得力助手施发贵（屎忽鬼）副校长，联系旅行社"男"社长黎粤京（泰国翻来噶？）组织学生春游！
带队老师阵容豪华！包括化学老师刘萱彤（硫酸铜），生物女老师常停经（更年期？），物理老师冯乃扎（逢"奶"揸），英文老师：外教Michael Tso（咪鸠嘈）同Simon Lo（晒命佬），校医林约瑞（淋药水），仲有教导主任费材，同埋教务处嘅徐副主任同丘副主任等...（主任，你条裤到底着定除啊...）
班学生中有几个非常顽皮，最难搞嘅系双胞胎周慧琴（周围擒）同周慧娟（周围钻），游咏依同莫颖怡（剥泳衣）更加系死对头...
部分学生因为特别嘅原因，需要特别留意，包括刘龙（流脓）、罗有大（咁性感）、杨炬祥（你条女开心啦！）、钟乐海（千祈唔好去海边）、廖植彪（小便失禁，就唔好出去旅游...）、刘备蒂（记得带纸巾），柯兰慈（肠胃唔好，请用喇叭牌正露丸）、吴顺超同埋郑凯蒂（正契弟）。
外地户口嘅学生要办特别手续，包括有辛彤荷（新同学）、毛仟贞（无签证），乌克兰籍女学生赖史洛夫碧李维斯（濑屎落裤逼你喂屎？鬼妹口味好重...）、日本籍男学生斌洲大健（宾周大？系咪拍爱情动作片噶？）、韩国籍学生千颂姫（千种鸡？卖炸鸡噶？）。
到学生挪车票，广播话："伍浩昌，请即刻到6号窗挪车票。陆昊昌，请即刻到5号窗挪车票。"
挪到票嘅学生开始上车。
检票员问一位同学:"你叫乜名啊？"
"周新恒（周身痕）"
"唔俾上车，翻去睇医生..."
"下一位！你叫乜名？"
"戴高远（大gao丸）"
"系好安全带，唔好震爆春袋..."
"下一位，你叫乜名？"
"李露媚（你老味）"
"乜学生嚟架？讲粗口嘅？问你叫咩名啊？"
"李露媚啊！"
检票员赶咗佢出去，继续做野，"下一位，叫乜名？"
"霍耀民（fuck you man）"
"竟然用英文讲粗口？滚！"
"下一位，叫乜名？"
“李博街（你扑街）"
"......"检票员激到呕血...
到目的地后，就进行得好顺利，老师开始清点人数食饭，发觉少咗一人，大声嗌："徐定富！"餐厅入边全部学生迟疑咗一阵，最后都系除晒裤...
广东人最怕改错名 二
两公婆不孕不育，睇医生。
医生：你叫咩名？
女：我吴秀贞（唔受精）。
医生：我都未检查！登记下名先。
女：吴秀贞啊！
医生：你唔好自己乱估病因，检查过先讲！费事同你晒气...
男方呢，你叫咩名？
男：吴树喜（唔竖起）。
医生：早讲啦，去药房，我开两粒"伟·哥"俾你！
广东人最怕改错名 三
一对公婆唔见咗个仔，叫李笨，到差馆报案。
警员问个丈夫："你叫咩名?"
丈夫：李广仙（你讲先）。"
警员又问个老婆："你叫咩名?"
老婆："吴港住（唔讲住）。"
警员好嬲："咁你哋黎做乜？"
夫妇大声齐答："稳李笨（稳你笨）!"
警察呕血....
