江美儀是《萬千星輝頒獎典禮2013》「最佳女配角」得主，去年終於再憑《下流上車族》榮升視后，奪得「最佳女主角」獎。從演31年的她，演技得到認可，她接受《星光路上》主持人王鎮泉（Jeoffrey）訪問，重提當晚並沒有預料得獎；坦言成為「最佳女配角」後，變得自傲、囂張，學佛後，跟梁洛施結緣，自我反醒令她的人緣運極佳，與《下流上車族》一班演員合作愉快。
同場加映：Patrick Sir關宛珊一家四口最緊要開心 疫情BB洋蔥頭牙牙學語識拜年
她不忌諱重提被TVB雪藏一事，王鎮泉問及當年得到「女配角獎」後，星途是較順暢或是較困難？她說：「拎完配角獎之後，我係有啲驕傲、氣焰，我入咗無綫冇耐就拎獎，會覺得『咁就得啦！做嘅嘢太簡單，喺舊公司都係咁做啫』，我睇番...係有啲幾乞人憎嘅態度出嚟...嗰齣劇《親親我好媽》 （2017年播放）收視好，但我發放咗好多負能量畀其他同事。疫情...冇嘢做啦，個人靜落嚟，開始反思，又去修佛，其實人係要有正能量畀人，就算有目的都要有正面態度，人哋先會去配合你。」曾經碰過一臉灰，才學懂了謙卑做人。身為視后更要沉實，她自言新一年，一切由零開始。
梁洛施、江美儀志趣相投。
鮑起靜與江美儀在亞視時合作多年，早就建立默契。
為了劇集，演員們都出盡力宣傳。
重提獲得殊榮的一刻，江美儀自言得獎時喊得好醜樣。她在事前打定輸數，覺得最多只會得到「最受歡迎女角色」獎，還跟同是亞視出身的陳煒互勉，「當宣布樊亦敏嗰陣，諗住冇啦...宣冇前我同陳煒拖住手等公布；行紅地氈，我哋講過無論今晚邊個拎都係爭番啖氣，兩個感動到喊！我同陳煒都係由舊公司過嚟，過程唔係順風順水，有阻礙，可以行到呢步，好戥大家開心。」
她熱愛行山。
節目內，撮合了緋聞情侶郭柏妍和丁子朗...
得獎後，陸陸續續有很多人恭喜江美儀，而梁洛施則兩度表揚她，以為她們份屬不同圈子，甚少交流。江美儀透露這是修佛得來的緣份，稱︰「呢個係上天嘅安排，有日拍黎芷珊嘅節目，就拍我平時去打坐、學佛、修佛，之後有日喺社交平台就收到Isabella嘅private message，佢話想跟我學佛，問我可唔可以帶佢去。佢想修佛，我帶佢去打坐做運動，帶佢跑山，變得好投契。就係咁奇妙，佢而家好犀利，全齋，連蒜、葱都唔食，佢仲勁過我。」
放下氣焰，廣結善緣，江美儀識到一班老友外，不忘答謝在事業上提攜過自己的人。她首先多謝鄭則仕，入行第一套劇《肥貓流浪記》（1997年）與他結片緣，對方傳授很多基本功，讓她能有紮實的根基。2009年過檔TVB後，2011年首套劇《潛行狙擊》跟劉松仁合作，她扮演社團「福和」大家姐，度過了二十年鐵窗生涯；劉松仁要她拍劇在前為角色做功課，「點解坐監」、「廿年嚟心理變化係點樣嘅」，使她演技有層次感，演技上昇華，為視后舖路。#娱乐##说TA##八卦手册##有什么百看不厌的影视剧推荐#
