“话题制造机”
《无限超越班》更新啦~
今期继续係学员们
翻拍经典剧目的考核环节。
本周受害被宠幸嘅经典剧目
有曾被称为TVB“收视神话”嘅
古装剧《宫心计》，
以及作为一代人童年回忆嘅
98版《鹿鼎记》。
《宫心计》组
有薛凯琪、周洁琼
作为学员接受考核，
惠英红和佘诗曼
担任监制兼助演。
比起上一期《使徒行者》组，
沈月嗰个完全唔啱佢、
又假又出戏嘅妆发造型
今期主演们嘅服化道
明显更加用心，
起码在妆造上已经
复刻到原作嘅七八成。
几乎1:1还原嘅
除咗当年的发饰头套，
仲有阿佘的fit爆状态！
时隔13年再扮“三好”，
真係可以话完全冇变化~
（咳，冻龄秘诀可以分享下吗？）
同样嚟助演嘅惠英红
因应节目需要，
并冇演番当年嘅“谭司膳”，
而係饰演“郑太后”一角。
交足戏嘅红姐，
好似太后本来就係佢嘅角色咁！
令唔少观众已经完全忘记
佢当年演嘅係唯唯诺诺“谭司膳”
well~既然係考核，
始终学员表现先係重头戏。
周洁琼本轮演嘅“钱飞燕”
喺呢场戏中发挥空间唔大，
以至于镜头都唔多，
算係中规中矩、不过不失。
而首演“恶女”嘅薛凯琪
一嚟就挑机人气角色“姚金玲”，
自然更受关注。
当年，杨茜尧（原名杨怡）
获得“我最喜爱的电视女角色”。
佢就係用奸妃“姚金玲”一角
力压毛舜筠（《毕打自己人》）、
邓萃雯（《巾帼枭雄》）
以及凭两部戏入围嘅佘诗曼
（《绝代商骄》《宫心计》）
而“姚金玲”嘅好多金句
至今仍被好多网友
做成表情包、快乐玩梗，
足见呢个角色几有魅力。
如此珠玉在前，
阿fi本身走开少女路线嘅
同角色妆造有啲违和，
因此，有唔少观众觉得
薛凯琪版“姚金玲”
始终差啲感觉咯。
另一个考核小组就係
车保罗带领嘅《鹿鼎记》组，
该小组此前在面试阶段
就已经惹起诸多热议。
先有车保罗在节目中
多番自荐、惨遭学员拒绝。
后有郭晓婷私下透露自己
当时係选咗《鹿鼎记》想反串，
结果想法被节目组ban咗，
片段也被“一剪没”。
点知今期节目播出来，
原本“无人问津”嘅《鹿鼎记》组
凑齐咗最多学员，
所以之前全部係卖惨剧本？
but人多又未必就效果好，
呢一组主要接受考核嘅演员
係饰演康熙皇帝嘅许魏洲
同饰演韦小宝嘅何与，
但佢哋表现就好一般了
演技最自然嘅反而係
旁边连名都冇出现嘅茄哩啡。
好多网友喺弹幕上
赞赵樱子演技“碾压”其他人，
所以话，有对比就有伤害
同一组艺人演得好唔好
大家仲係睇得出嚟嘅。
或者係节目组都知道
呢组斋靠演技好难有睇头，
于是，就特地安排咗
一场98版《鹿鼎记》主创
重聚party赚眼泪！
先有刘乔方（原名刘玉翠）、
梁小冰、陈少霞、邝文珣，
搭住“胖头陀”（车保罗饰）
逐一登场，大爆戏外内幕。
再有“小宝本宝”陈小春
隔空现身诉真情。
对于港剧迷而言，
感动确係有啲嘅，
不过剧组重聚呢招，
《王牌对王牌》已用到烂嗮，
上期就有林峯惊喜连线，
次次用呢招就唔怕闷亲观众？
虽然桥唔怕旧，
最紧要观众受，
但如果继续期期节目
除咗套模板嘅“回忆杀”，
就係综艺剧本满天飞，
睇怕评分都仲有下滑空间咯~
MORE
今日娱乐看点
林敏骢临阵挞Q？
《万千星辉颁奖典礼》
今晚正式举行，
“视帝”大热人选林敏骢
却突然透露踢波整亲脚，
可能会因伤缺席颁奖礼，
按惯例，唔到场获奖几率大减，
唔知“视帝”最后花落谁家？
周柏豪、炎明熹加盟广东春晚
近日，《遇兔呈祥大湾区
——广东卫视春节晚会》
陆续释出嘉宾阵容，
其中，周柏豪、炎明熹将会
深情合唱《紫荆花盛开》，
真係超级令人期待啊~
《哈哈哈哈哈》录制中
新一季《哈哈哈哈哈》
于近日开始录制，
据路透，邓超、陈赫、
鹿晗、王勉等老成员
悉数回归节目，
唔知又会开启乜好玩故事咧？
资料来源：综艺截图、微博、豆瓣
网络信息综合整理
编辑：陈祉伶
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
