无綫小花陈凯琳（Grace）同郑嘉颖前日（8月12日）喺峇里完婚，当日嘉颖已即时喺微博报喜指自己“成家了”！相隔2天，荣升“郑太”嘅Grace今日终于更新社交网，晒出多张未曝光过嘅婚礼靓相，除咗有两人开心步出教堂嘅一刻，仲有一张系佢同嘉颖喺晚宴上，于舞台中间跳舞激吻嘅相，相当浪漫！
佢仲开心宣布正式成为“郑太”喇，佢留言：“Starting a new chapter in my life as Mrs. Cheng（以郑太的身份开始我人生的新一页）”佢又不忘多谢婚礼团队，以及所有到临祝贺嘅亲友，令佢有个咁难忘嘅回忆呀！
