终于嚟到大结局，拳佬（陈展鹏饰）、牙佬（袁伟豪饰）及泰婆（元秋饰）跟终极大佬天干（欧瑞伟饰）决战，不过对方有铁布衫护体刀枪不入，而且身上的「罩门」（类似死穴）可以随时转移到身体不同部位，所以无论点打都打渠唔死！
已失明的拳佬系唯一感应到天干罩门的人，但渠当下方寸大乱未能冷静，于是刁兰为渠送上一个热吻！拳佬被吻后不单冇兴奋，反而冷静下来成功「睇到」罩门！其实透视眼呢一幕，监制系咪向《廿二世纪杀人网络》或者《夜魔侠》致敬？
拳佬成功揾到对方罩门后，即时就打到天干呕晒血，不过渠当然唔会衔易收手，仲捉咗毕得了（林子善饰）做人质！
点知毕得了都唔系吴下阿蒙，趁乱锁实天干双手，让拳佬及牙佬双双使出绝技「猛虎硬爬山」！杀人无数、扰乱城寨安危、仲有令观众晚晚左猜右想的终极大佬，终于爆头而亡……
城寨回复安宁，泰婆同德莉一齐经营泰国菜馆，仲话将来要将九龙城变成小泰国！原来现时人人都去九龙城食泰国菜，都系多得泰婆咋！
德莉唔再系大小姐，变成一个武艺非凡的泰拳高手！
至于毕得了亦尽得段家八极真传，代替牙佬教学生！
衔拳佬同刁兰呢？观众早前见到拳佬戴黑超流泪一幕，都以为渠对眼一直失明，而刁兰亦不在人世…点知大家都错晒！不但拳佬医好对眼睇番嘢，就连刁兰都去美国医好心脏病，从此幸福甜蜜地生活下去…虽然之前死衔多人，不过拳佬刁兰最终可以终成眷属，相信观众都收货啦！
,
