近段时间受疫情影响，
多档在播或将播S级综艺嘅
录制同排播都先后宣布延期，
唔少平台都加班加点
紧急调整节目单。
好似浙江卫视就临时推出咗
新节目《三个少年》空降救场，
前期官方宣发基本为0，
头一日搞掂官博认证，
后一日直接官宣兼开播，
快到粉丝都收唔切风做物料。
呢档由宋亚轩、唐九洲、
何运晨担任固定MC嘅
互动演绎暖情访谈节目，
每期会邀请唔同嘉宾，
聚焦时下热议话题，
进行观点输出与碰撞。
虽然从MC阵容、内容制作都
似乎略显青涩、平庸，
不过低预期之下，
竟然有啲意外惊喜啵。
呢三位“少年”MC
虽然唔係大卡司，
不过都係综艺老熟人啦。
何运晨最早为人熟知嘅，
係《令人心动的offer》中
的法律尖子生身份。
后担任过几期
《明星大侦探》侦探助理，
加盟过《名侦探学院》系列节目，
因喜感性格同高冷律师
形成极大反差萌，
成为后加入的“新院人”中
颇为受欢迎的小哥哥。
唐九洲最开始也係因
《名侦探学院》、
《密室大逃脱·大神版》等
综艺节目而被人熟悉，
留下唔少“脑子不好”
“图形达人”的高光名场面。
去年仲去咗《青春有你3》，
最后拿下成团名额，
成为男团IXFORM成员。
（不过因为某啲原因，
呢个男团成咗团又好似冇成团）
时代少年团成员宋亚轩
呢两年加盟《王牌对王牌》后，
曝光率稳定，观众缘都几ok，
虽然综艺感麻麻，
不过话嗮係一直跟住
贾玲、沈腾等大前辈合作，
都有肉眼可见的进步。
唔知系咪考虑到
三位MC控场功力一般，
所以主持部分嘅工作依然由
“吴彤节目御用主持”
沈涛承包，
三位少年主要係俾反应。
另外《三个少年》
虽然话係访谈节目，
不过目前睇落，
主题定位有啲
类似TVB《后生仔倾吓偈》
内容呈现则更加似
mini版《火星情报局》，
每个嘉宾都会在同一议题下
分享故事同观点。
首期节目主题为
当下备受关心的“社交话题”，
开头仲有一段
“开心麻花”精心编排嘅
喜剧sketch嚟引题，
5分钟将社恐人群的表现
演绎得淋漓尽致，
都几好玩下~
同时邀请咗
典型的“社恐代表”
脱口秀人气选手鸟鸟，
同誓要将“腾化现象”
发扬光大嘅“沈腾”。
由于首期节目包含
大段主题介绍，
节奏比较缓慢，
所以“含腾量”其实只有半集，
不过好在几位MC都算活泼，
互相接梗冇冷场。
后来腾哥控场后，
几个后生仔都冇怯场，
落落大方仲好有point，
化学反应相当唔错。
可惜节目编排上
有啲“迷之操作”令人费解，
比如安排大家在演播室内
齐齐沐足（？）
除咗有啲冇厘头搞笑，
只能话《三个少年》
真係一个“有味道”的节目。
也因为呢一个奇怪环节，
嘉宾一时浸紧脚，
一时着住鞋，
暴露咗剪辑混乱的问题，
后期团队的鸡腿要掉了~
另外由于係卫视先播，
节目时长比较有限，
因此嘉宾们嘅观点输出part
略显薄弱，缺乏深度，
也令太纯粹嘅室内聊天
少咗一啲趣味性。
不过作为空降救场嘅《三个少年》
前几期唔多唔少都有试验性质，
相信节目听到观众反馈后，
都会有所调整，渐入佳境，
大家不妨期待下~
资料来源：综艺截图、微博、豆瓣
网络信息综合整理
编辑：陈祉伶
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
