近年主力北上发展嘅胡杏儿
去年参加完《乘风破浪》
过咗下唱跳瘾后，
就火速回归演员身份
专心入组拍戏。
对比起在TVB受力捧嘅时期，
杏儿呢几年其实唔算高产，
一方面内地资源竞争大，
而另一方面，
已为人妻、人母嘅胡杏儿
分咗好多时间去照顾家庭。
不过事业心颇重嘅佢
一直都冇放弃演艺事业，
当年陀住一胎拍完
《那年花开月正圆》，
戏中不乏淋雨、拉扯等
需要体力的戏份。
后来杏儿在录制综艺
《演员请就位2》期间
发现自己怀上三胎，
因为唔想受任何优待，
就瞒住节目组，
不但顺利录完全程，
更凭借多个精彩角色嘅演绎
拿下年度最佳演员。
生完三个BB后，
杏儿每逢营业依然状态大勇，
可塑性高 演技唔错嘅佢
也颇受各种剧组青睐。
而现实中有咗三个宝贝嘅
胡杏儿近年在影视作品中
也频频选择贴合自己
经历和年纪嘅“妈咪”角色。
好似去年佢在
《狮子山下的故事》中
饰演坚毅又温柔嘅梁欢，
从18岁演到65岁，
在妻子、母亲、店主等
多重身份里展现“狮子山精神”。
在《亲爱的生命》中，
作为三番外配角嘅杏儿，
在剧中戏份唔算多，
但佢饰演嘅黄韵玲主任
前期在职场上嘅雷厉风行、
后来勇敢反抗家暴嘅一面，
都让观众印象深刻。
近日，胡杏儿又有
新作品同大家见面啦~
新剧《今生也是第一次》中，
胡杏儿孖王子文、唐艺昕演绎
三个不同年代嘅新手妈妈，
在荧屏上解锁初次坐月嘅体验。
剧集通过三线并行嘅叙事
用较为轻喜、逗趣嘅画风
讲述性格、经历大不相同嘅
三代女性在初次
成为妈咪后嘅转变与成长。
虽然係又双叒演妈咪角色，
不过杏儿今次嘅新剧角色
又有新转变
从事事依赖丈夫嘅贤妻良母
转做凑B创业两不误嘅“戴老板”，
前后会有较大反差感，
成长line相当有发挥空间。
此前，曾有观众指出
胡杏儿在《亲爱的生命》中
采用后期配音有啲出戏。
今次在新剧中，
杏儿就用番自己嘅原声台词，
普通话发音都几标准，
唔少网友都表示很惊喜。
而杏儿在新剧中嘅短发look
又同佢在《冲上云霄2》中
扮演嘅“顾夏晨”十分相似，
不过从神情、细节仍能
分出两个角色大不相同嘅。
主打女性题材嘅国产剧
近年来层出不穷，
但真正佳作却只有少数，
斋係去年就有唔少
女性剧集高开低走，
令观众大失所望。
唔知兔年第一部都市女性情感剧
会唔会争番啖气，
为今年待播的“她剧集”
开番个好头咧？
资料来源：剧照、微博、豆瓣
网络信息综合整理
编辑：陈祉伶
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
