已经完结咗一段时间嘅
《开心无敌奖门人》
前晚突然加更
“Ladies First”特辑，
令唔少观众倍感惊喜！
《廉政狙击》《隐形战队》
两个剧组带晒队来玩game，
嘉宾阵容相当豪华。
其中，最令人意外嘅係，
入行多年嘅吴卓羲
竟然係第一次上《奖门人》。
俗语有云“新嚟新猪肉”
阿Ron全程受到各方“宠爱”，
一上嚟就被“群星拱照”围住出场，
真係排面十足！
不过到咗惩罚环节，
队友亦非常“照顾”佢
塞到佢成嘴“辣辣寿包”
好似好惨但又有啲好笑~
虽然话
阿Ron係首次上《奖门人》节目，
但综艺效果爆灯，
丝滑融入节目、秒变“老嘉宾”！
不过讲到当晚风头最盛嘅
都係“三太”樊奕敏啦！
不但造型抢镜，
全晚嘅表现
比腰间间盘突出仲要突出。
大家都睇到
“奖门人”及“奖老”帮到出面，
“三太”当晚游戏真係玩得麻麻地，
“啜乒乓”游戏吸唔到波，
“口不对心”环节连环出错拳，
队内玩“传紫菜”时
又疯狂“累街坊”。
最后奖门人笑住话
要帮“三太”圆梦，
安排佢一人对战吴卓羲、黄宗泽、
王浩信及陈山聪四位型男，
以“车轮战”形式轮住啜紫菜。
个个猛男都相当配合，
一时摆定chok样，
一时上演“下巴杀”。
“三太”被型男“左拥右抱”，
观众睇到开心之余
大家都想“魂穿”成佢啵
面对型男“围攻”，
平时霸气尽露嘅樊奕敏
都似乎招架唔住，
全程少女心爆棚，
娇羞到面都红晒。
well~因为今期大部分嘉宾
都係《奖门人》嘅老熟人啦，
个个又係玩得之人，
凑埋一齐自然欢乐加倍，
爆笑名场面多不胜数。
游戏环节除咗笑弹频出，
仲意外凑齐咗好多人气CP
难得同框玩game，
对于好多港剧迷而言，
都算係福利大彩蛋啦~
吴卓羲、胡定欣贴贴
让人梦回《大唐双龙传》中
徐子陵同婠婠。
胡定欣 黄宗泽
多年前合作过《点金胜手》
戏中嘅感情戏也好好嗑！
陈山聪、刘颖镟同框
有冇令你谂起
《超能使者》嘅胶勇同open？
两人在《隐形战队》又有合作，
不过就未知戏中有冇感情线。
仲有马国明 刘佩玥，
也让人谂起《降魔的》中嘅
小马同啤啤。
你睇咗今期《奖门人》未？
边个名场面最让你印象深刻？
欢迎留言同我哋分享吖~
MORE
今日娱乐看点
王心凌郑秀妍活动偶遇
王心凌、郑秀妍
出席同场活动时偶遇，
一见面就亲密贴贴，
感情好好哇~
尔冬升邀郭晓婷做“女一”
在《无限超越班》
毕业大戏剧目选角时，
导演尔冬升邀请郭晓婷
出演《再见爱人》女主戏，
睇嚟努力真係会被见到！
林晓峰谈自己的配角人生
林晓峰在《今晚开放麦》节目中，
讲起自己误打误撞做演员的故事。
佢话“可能你跟我一样，
都是过一个配角人生，
但是我们自己就是
自己人生最好的主角”。
资料来源：综艺截图、微博
网络信息综合整理
编辑：陈祉伶
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
,
